పవర్ స్టార్ పవన్ కళ్యాణ్ కి సంబంధించిన ప్రతీ విషయం వార్తల్లో నిలుస్తూనే ఉంటుంది. పవన్ బయటకి వచ్చారంటే అందరి దృష్టి ఆయనపైనే ఉంటుంది. దాదాపు ఏడు నెలలకు పైగా విరామం తీసుకున్న పవన్ ఇటీవలే ‘వకీల్ సాబ్’ సినిమా షూటింగ్ లో పాల్గొన్నారు. అన్నపూర్ణ స్టూడియోలో సినిమాకి సంబంధించి కొన్ని కీలక సన్నివేశాలను చిత్రీకరిస్తున్నారు. ఓ పక్క సినిమాలు చేస్తూనే మరోపక్క పార్టీ పనులు కూడా చూసుకుంటున్నాడు పవన్.
తాజాగా ‘వకీల్ సాబ్’ సినిమా షూటింగ్ గ్యాప్ లో జనసేన తెలంగాణ కమిటీలను ఖరారు చేసి దానికి సంబంధించిన ఫైల్ మీద సంతకాలు చేశారు పవన్. దీనికి సంబంధించిన ఫోటోలు సోషల్ మీడియాలో ప్రత్యక్షమయ్యాయి. ఈ ఫోటోలలో పవన్ కళ్యాణ్ పెట్టుకున్న రోలెక్స్ వాచ్ ఇప్పుడు హాట్ టాపిక్ గా మారింది. దీని ధర రూ. 40 లక్షలకు పైగా ఉంటుందట. దీంతో యాంటీ ఫ్యాన్స్ కి పవన్ ని ట్రోల్ చేసే ఛాన్స్ దొరికినట్లైంది. కారు ఈఎంఐ కట్టడానికి కూడా డబ్బులు లేవని చెప్పిన పవన్ కళ్యాణ్ ఇంత విలువైన వాచ్ ఎలా పెట్టుకున్నాడంటూ ప్రశ్నించడం మొదలుపెట్టారు.
మరికొందరు బయటకి సింపుల్ అని చెప్పే పవన్ కాస్ట్లీ వాచ్ పెట్టుకోవడంపై తప్పుడు కామెంట్స్ చేశారు. దీంతో పవన్ ఈ వాచ్ ధరించింది కేవలం చిత్రీకరణలో భాగంగా అని రుజువు చేయడానికి పవన్ ఫ్యాన్స్ కష్టపడాల్సి వచ్చింది. ఇంతకముందు రిలీజ్ చేసిన పవన్ కళ్యాణ్ లుక్ ఒకటి పరిశీలిస్తే.. అందులో పవన్ ఇదే వాచ్ పెట్టుకొని ఉన్నారు. కంటిన్యూ చేయడానికి ఈ వాచ్ తో షూటింగ్ కి హాజరయ్యారే తప్ప మరో ఉద్దేశం లేదని పోస్ట్ లు పెడుతున్నారు. అలానే ఈ వాచ్ ఆయనకి అభిమానుల నుండి వచ్చిన గిఫ్ట్ అని చెబుతున్నారు.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
Home