టాలీవుడ్ స్టార్ హీరో రామ్ చరణ్, దర్శకుడు శంకర్ కాంబినేషన్ లో సినిమా అనౌన్స్ చేసినప్పుడు అభిమానుల చాలా సంతోషపడ్డారు. గతంలో మెగాస్టార్ చిరంజీవి.. శంకర్ తో సినిమా చేయాలనుకున్నారు. కానీ ఆ కోరిక తీరలేదు. ఫ్యూచర్ లో వీరి కాంబో సెట్ అవుతుందో లేదో డౌటే. కానీ రామ్ చరణ్ కి ఛాన్స్ రావడంతో అందరూ సంతోషించారు. అయితే ఇప్పుడు చరణ్ ఈ ప్రాజెక్ట్ ఒప్పుకొని తప్పు చేశాడా..? అనే సందేహాలు అభిమానుల్లో కలుగుతున్నాయి. దానికి కారణం శంకర్ అనే చెప్పాలి. ఈ మధ్యకాలంలో శంకర్ టైమ్ అస్సలు బాగాలేదు.
‘ఇండియన్2’ నిర్మాతలతో ఏర్పడిన విబేధాల కారణంగా కోర్టు చుట్టూ తిరుగుతున్నాడు. అలానే ‘అపరిచితుడు’ రీమేక్ పై కూడా ఇష్యూ నడుస్తుంది. ఇప్పుడు ‘ఇండియన్ 2’ సినిమా పూర్తయ్యే వరకు మరో సినిమా చేయకూడదనే ఒప్పందంతో ఉన్నాడు శంకర్. అంతకుమించి ఆయనకు మరో ఆప్షన్ కూడా లేదు. ఈ ఏడాది జూన్ లేదా జూలై నెలలో ‘ఇండియన్ 2’ షూటింగ్ పునః ప్రారంభించనున్నారు. ఈ సినిమా సెట్స్ పైకి వెళ్లిన తరువాత ఎప్పుడు పూర్తవుతుందో చెప్పలేని పరిస్థితి. ఎందుకంటే ఈ సినిమా కోసం పని చేసే టెక్నీషియన్స్ విదేశాల నుండి రావాలి.
వర్క్ పూర్తవ్వాలి అంటే చాలా సమయం పట్టేలా ఉంది. పైగా నిర్మాతలతో శంకర్ కి సఖ్యత లేకపోవడంతో సినిమా వాయిదాలు పడే ఛాన్స్ ఉంది. ఇది పూర్తి చేసిన తరువాత కానీ శంకర్ సినిమాను మొదలుపెట్టలేని పరిస్థితి. ‘ఆర్ఆర్ఆర్’ తరువాత చరణ్.. శంకర్ తోనే సినిమా చేయాలనుకున్నాడు. కనీసం ఈ ఏడాది చివరి నాటికైనా ఈ ప్రాజెక్ట్ మొదలవుతుందని చరణ్ ఆశిస్తున్నాడు. కానీ ఆ లక్షణాలు కనిపించడం లేదు. మరి చరణ్.. శంకర్ కోసం వెయిట్ చేస్తాడో లేక మరో ఆప్షన్ వెతుక్కుంటాడో చూడాలి!
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home