యూరప్ వెళ్లనున్న మహేష్ బాబు!

కమర్షియల్ డైరక్టర్ మురుగదాస్ డైరెక్షన్లో సూపర్ స్టార్ మహేష్ బాబు నటిస్తున్న ‘స్పైడర్’ సినిమా ఒక మినహా షూటింగ్ మొత్తం కంప్లీట్ చేసుకున్న సంగతి తెలిసిందే. ఆ పాటను లండన్లో ప్లాన్ చేశారు. వచ్చేనెల ఒకటవ తేదీ నుంచి  రొమేనియా(యూరప్)లోని అందమైన లొకేషన్లో మహేష్, రకుల్ పై డ్యూయెట్ తెరకెక్కించనున్నారు. ఈ పాటకు శోభి కొరియోగ్రఫీ చేయనున్నారు. ఈ సాంగ్ షూటింగ్ తో స్పైడర్ ప్రొడక్షన్ వర్క్ మొత్తం కంప్లీట్ అయినట్లే. ఇప్పటికే ఎడిటింగ్, డబ్బింగ్ పనులు జరుపుకుంటున్న ఈ మూవీకి  విజువల్ ఎఫెక్ట్స్ వర్క్ రష్యా, చైనా తదితర దేశాల్లో జరుగుతోంది.

ఈ సందర్భంగా నిర్మాత ఎన్.వి.ప్రసాద్ మాట్లాడుతూ ‘‘దసరా పండుగని పురస్కరించుకొని సెప్టెంబర్ 27 న  స్పైడర్ ని రిలీజ్ చేస్తున్నాం. మహేష్‌, మురుగదాస్‌ కలయికలో వస్తున్న సినిమా కావడంతో భారీ అంచనాలున్నాయి. ఆ అంచనాలకి  మించి ఈ చిత్రం ఉండబోతోంది’’అని చెప్పారు. హరీష్ జయరాజ్ ఈ చిత్రం కోసం అద్భుతమైన పాటలను కంపోజ్ చేసినట్లు చిత్ర బృందం వెల్లడించింది. త్వరలోనే ఆడియో రిలీజ్ వేడుక తేదీలను ప్రకటించనున్నారు.

Also, do SUBSCRIBE to our YouTube channel to get latest Tollywood updates.