తెలుగు సినిమా చరిత్రని నెక్స్ట్ లెవెల్ కు తీసుకెళ్లిన సినీ తారలలో నందమూరి తారక రామారావుగారిని ముందుగా చెప్పుకోవాలి. ఎందుకంటే ఆయన సినిమా కోసం పగలు, రాత్రి అని తేడా లేకుండా కష్టపడేవారట. రోజులో షూటింగ్ ప్రారంభం అవ్వడానికి ఓ గంట ముందుగానే.. పరీక్ష రాయడానికి విద్యార్థి వెళ్ళినట్టు షూటింగ్ స్పాట్ కు వెళ్ళిపోయి.. అక్కడ సీన్ కు ప్రిపేర్ అవుతూ ఉండేవారట. ఇక టైం కి షాట్ మొదలు కాకపోతే ఆయన నిప్పులు కురిపించేవారట.
ఎంతో మంది టెక్నిషియన్లు.. టిఫిన్లు కూడా మానేసి షూటింగ్ స్పాట్ కు వచ్చేసే వారట. తరువాత షార్ప్ గా లంచ్ టైం కు బ్రేక్ తీసేసుకునేవారట ఎన్టీఆర్. ఇక సెట్ కు లేట్ గా వచ్చే హీరోయిన్ల పై కూడా ఈయన మండిపడేవారట. ఈ విషయం అప్పటి హీరోయిన్ కె.ఆర్. విజయ కు బాగా తెలుసు. ఎన్టీఆర్ సరసన హీరోయిన్ గా ‘కృష్ణ పాండవీయం’ అనే చిత్రంలో హీరోయిన్ గా సెలెక్ట్ అయ్యారట కె.ఆర్.విజయ గారు. ఆ చిత్రానికి నిర్మాత కూడా ఎన్టీఆరే. ఇక ఈ చిత్రం షూటింగ్ ప్రారంభం అయిన రోజుల్లో మొదటి మూడు రోజుల పాటు.. సెట్ కు లేట్ గా వచ్చేవారట విజయ.
ఇది గమనించిన ఎన్టీఆర్.. యూనిట్ సభ్యులతో ‘షూటింగ్ కు లేట్ గా వచ్చినందుకు మీ పారితోషికంలో కోతలు విధించబడును’ అంటూ విజయకు నోటీస్ పంపించారట. దాంతో వెంటనే ఎన్టీఆర్ ను కలిసి ఆమె క్షమాపణలు తెలపడమే కాకుండా.. ‘ఇంకెప్పుడు ఆలస్యంగా షూటింగ్ కు రాను’ అంటూ వేడుకుందట. ఎన్టీఆర్ గారు కూడా ఆమెను మన్నించినట్టు తెలుస్తుంది. ఇక అప్పటి నుండీ కె.ఆర్.విజయ గారు ప్రతీ సినిమా షూటింగ్ కు టైంకి హాజరవుతూ వస్తుందట. అంత డెడికేషన్ ఎన్టీఆర్ గారి వల్లే వచ్చిందని తెలిపింది విజయ.
Most Recommended Video
కవల పిల్లలు పిల్లలు కన్న సెలెబ్రిటీలు వీరే..!
బాగా ఫేమస్ అయిన ఈ స్టార్స్ బంధువులు కూడా స్టార్సే
బాలయ్య సాధించిన అరుదైన రికార్డ్స్ ఇవే..!
