సింగర్ శ్రావణ భార్గవి ఇన్ని రోజులు విడాకుల విషయం గురించి సోషల్ మీడియా వార్తలలో నిలిచారు. అయితే ఈ వివాదం ముగిసింది అనుకునే లోగా ఈమె మరొక వివాదంలో చిక్కుకున్నారు. అన్నమయ్య సంకీర్తనలను తన ప్రైవేట్ ఆల్బమ్ గా ఉపయోగించుకోవడమే కాకుండా అందులో ఈమె శృంగార భరితంగా కనిపించడానికి ఎంతో మంది తప్పు బట్టారు.ఈ క్రమంలోనే శ్రావణ భార్గవి పై చర్యలు తీసుకోవాలని ఈ విషయాన్ని టీటీడీ అధికారుల వరకు చేరవేయాలి అంటూ పెద్ద ఎత్తున ఈ వీడియోని వైరల్ చేశారు.
ఇకపోతే ఈ విషయంపై స్పందించిన శ్రావణ భార్గవి తాను ఉద్దేశపూర్వకంగా అన్నమయ్య కీర్తనలను కించపరచాలని చేయలేదని తాను చేసిన వీడియోలో ఏ విధమైనటువంటి తప్పు లేదని తనని తాను సమర్ధించుకుంటూ ఈ వీడియో పై స్పందించారు. అయితే శ్రావణ భార్గవి మాటలపై అన్నమయ్య వంశీకులు స్పందిస్తూ తనపై ఆగ్రహం వ్యక్తం చేశారు. శ్రీవారిపై ఉన్న భక్తితో అన్నమయ్య ఎంతో అద్భుతంగా రచించిన కీర్తనలను ఇలా శృంగార భరితంగా చూపించడంపై అన్నమయ్య వంశీకులు ఆగ్రహం వ్యక్తం చేశారు.
ఇప్పటివరకు అన్నమయ్య సంకీర్తనలను పలు సినిమాలలో ఉపయోగించినప్పటికీ ఎక్కడ వాటిని అసభ్యకరంగా ఉపయోగించలేదని అన్నమయ్య వంశీకులు పేర్కొన్నారు. ఈ విధంగా స్వామివారి సంకీర్తనలతో శ్రావణ భార్గవి చేసిన పనులు తమకు ఎంతో బాధ కలిగించాయని వెల్లడించారు. శ్రావణ భార్గవి తాను చేసిన తప్పును సరిదిద్దుకొని వెంటనే ఈ వీడియోని తొలగించకపోతే ఈ విషయాన్ని టీటీడీ దృష్టికి కూడా తీసుకెళుతామని,
ఈ విషయంపై చట్టపరమైన చర్యలు తీసుకునే వరకు తాము న్యాయ ప్రకారం ముందుకెళ్తామని అన్నమాచార్య వంశస్థులు హరి నారాయణచార్యుల చెప్పారు. మరి ఈ విషయంపై శ్రావణ భార్గవి వెనక్కి తగ్గి ఆల్బమ్ డిలీట్ చేస్తారా లేదా అనే విషయం తెలియాల్సి ఉంది.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
