పవన్ కళ్యాణ్ ను కలవడానికి కారణం అదే : శ్రీముఖి

పవర్ స్టార్ పవన్ కళ్యాణ్ ఈ మధ్యనే ‘వకీల్ సాబ్’ చిత్రం షూటింగ్ లో తిరిగి జాయిన్ అయ్యారు. ‘చాతుర్మాస దీక్ష’ పూర్తవ్వడంతో గడ్డం తీసేసి.. చాలా స్టయిలిష్ గా మారిపోయారు పవన్ కళ్యాణ్. ప్రస్తుతం ఈ చిత్రానికి సంబంధించి ఫ్లాష్ ఎపిసోడ్ ను చిత్రీకరిస్తున్నారట.అందులో భాగంగా ఇటీవల ఆయన హైదరాబాద్ మెట్రోలో కూడా సందడి చేశారు. ఇదిలా ఉండగా.. స్టార్ యాంకర్ శ్రీముఖి కూడా ఇటీవల ‘వకీల్ సాబ్’ సెట్స్ లో సందడి చేసిన సంగతి తెలిసిందే.

పవన్ కళ్యాణ్ తో ఆమె సెల్ఫీలు తీసుకుని తన సోషల్ మీడియాలో అప్లోడ్ చేసింది. ఈ ఫోటోలు పెద్ద ఎత్తున వైరల్ అయ్యాయి. శ్రీముఖి పవన్ కు పెద్ద ఫ్యాన్ అన్న సంగతి తెలిసిందే. ‘అయితే ఇంత సడెన్ గా పవన్ కళ్యాణ్ ను ఆమె మీట్ అవ్వడానికి గల కారణాలు ఏంటి? ‘వకీల్ సాబ్’ చిత్రంలో శ్రీముఖి కూడా కీలక పాత్ర పోషిస్తుందా?’ అనే అనుమానాలు వ్యక్తమయ్యాయి. వీటికి తాజాగా శ్రీముఖి క్లారిటీ ఇచ్చింది.

ఇటీవల ఓ ఇంటర్వ్యూ లో పాల్గొన్న శ్రీముఖికి.. ‘ఇటీవల.. పవన్ కళ్యాణ్ ను కలిశారు.. కారణం ఏంటి?’ అనే ప్రశ్న ఎదురైంది. దీనికి శ్రీముఖి జవాబిస్తూ.. “అవును కలిశాను..ఇటీవల ఓ షో షూటింగ్లో మేము పాల్గొంటూ ఉండగా.. మా సెట్ పక్కనే ‘వకీల్ సాబ్’ షూటింగ్ కూడా జరుగుతోందని తెలిసింది. జానీ మాస్టర్ కూడా వెళ్లి చూద్దాం అన్నారు. నేను ఎందుకు కాదంటాను. వెళ్లి కలిశాం. సెట్స్ లో పవర్ స్టార్ ఆరా (aura) నెక్ట్స్ లెవెల్ అంతే..!’ అంటూ చెప్పుకొచ్చింది.

1

2

Most Recommended Video

ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!