సరికొత్త అవతారం ఎత్తిన స్టార్ యాంకర్ శ్రీముఖి..!

‘పటాస్’ అనే షోతో భీభత్సమైన ఫాలోయింగ్ ను సంపాదించుకుంది శ్రీముఖి. ఈ షోతో వచ్చిన పాపులారిటీతో మరికొన్ని టీవీ షోలు కూడా చేసే అవకాశం దక్కించుకుని స్టార్ యాంకర్ అనే ట్యాగ్ లైన్ సంపాదించుకుంది. ‘జులాయి’ ‘నేను శైలజ’ ‘జెంటిల్ మెన్'(నాని) వంటి సినిమాల్లో కూడా నటించి అలరించింది. ఇక ఈఏడాది ‘బిగ్ బాస్ సీజన్ 3’ లో ఓ కంటెస్టెంట్ గా వచ్చి ఆమె ఎనర్జీతో మరింత క్రేజ్ ను సంపాదించుకుంది. అయితే విన్నర్ అయ్యే ఛాన్స్ కొద్దిలో మిస్సయ్యి రన్నర్ గా నిలిచింది.

ఇక ఇప్పటి వరకూ ఈమె డ్యాన్స్ లు, కామెడీ మాత్రమే చేస్తుంది అనుకున్న వారికి పెద్ద షాకిచ్చింది. ఈమెలో మరో ట్యాలెంట్ కూడా ఉందని ప్రూవ్ చేసింది. ‘స్టార్ మా మ్యూజిక్ రీలోడెడ్’ అనే ఓ కార్యక్రమం కోసం శ్రీముఖి తో ఓ పాట పాడించారు. పాట పాదుతూనే తన ఎనర్జిటిక్ స్టెప్స్ తో మరింత ఆకర్షించింది శ్రీముఖి. ఈ వీడియో చూసిన వారు ‘శ్రీముఖి’ లో ఈ ట్యాలెంట్ కూడా ఉందా..? అంటూ ఆశ్చర్యపోతున్నారు. ఇక ‘జబర్దస్త్’ షో కొరకు కూడా శ్రీముఖిని యాంకర్ గా తీసుకుంటున్నారు అనే వార్త ప్రచారంలో ఉంది. మరి ఆ వార్తలో ఎంతవరకూ నిజముందో తెలియాల్సి ఉంది.

“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!