స్టార్ డైరెక్టర్ శ్రీనువైట్ల దర్శకుడిగా 23 సంవత్సరాలుగా ఇండస్ట్రీలో ఉన్నారు. హిట్ ఫ్లాపులకు అతీతంగా శ్రీనువైట్ల దర్శకునిగా అవకాశాలను సంపాదించుకుంటున్నారు. చిరంజీవి, నాగార్జున, మహేష్ బాబు, ఎన్టీఆర్, రవితేజలతో సినిమాలను తెరకెక్కించిన శ్రీనువైట్ల పవన్ కళ్యాణ్, బాలకృష్ణలతో మాత్రం సినిమాలను తెరకెక్కించలేదు. తాజాగా అలీతో సరదాగా షోకు గెస్ట్ గా వచ్చిన శ్రీనువైట్ల పవన్, బాలయ్యతో సినిమాలను తెరకెక్కించకపోవడం గురించి ఆసక్తికర వ్యాఖ్యలు చేశారు. పవన్ కళ్యాణ్ తో సినిమా చేయలేకపోయానని బాధగా ఉందని పవన్ తో బాగా సింక్ ఉంటుందని తన ఫీలింగ్ అని శ్రీనువైట్ల తెలిపారు.
పవన్ కళ్యాణ్ ఇమేజ్, బాడీ లాంగ్వేజ్ కు నేను, నా కథలు బాగా సూట్ అవుతాయని శ్రీనువైట్ల చెప్పుకొచ్చారు. పవన్ కళ్యాణ్ నుంచి మూవీ ఆఫర్ కూడా వచ్చిందని అయితే ఆ సినిమా పట్టాలెక్కలేదని శ్రీనువైట్ల వెల్లడించారు. రెండుసార్లు పవన్ ను కలిసినా పవన్ కు సూటయ్యే లైన్ ను పట్టుకోలేకపోవడంతో ఆ సినిమా మిస్సైందని శ్రీనువైట్ల చెప్పారు. బాలయ్యను డిఫరెంట్ గా చూపించడానికి చాలా ప్లాన్స్ వేసుకున్నా ఆ ప్లాన్స్ సక్సెస్ కాలేదని శ్రీనువైట్ల వెల్లడించారు.
దర్శకులంతా బాలకృష్ణను ఒకే విధంగా చూపిస్తున్నారని బాలకృష్ణను రెండుసార్లు కలిసినా కథ చెప్పలేదని శ్రీనువైట్ల పేర్కొన్నారు. ప్రస్తుతం శ్రీనువైట్ల మంచు విష్ణు హీరోగా డీ అండ్ డీ(డబుల్ డోస్) అనే సినిమాను తెరకెక్కిస్తున్నారు. ఈ స్క్రిప్ట్ కాకుండా మరో మూడు స్క్రిప్ట్ లను సిద్ధంగా పెట్టుకున్నానని శ్రీనువైట్ల వెల్లడించారు. ప్రస్తుతం డైరెక్షన్ చేస్తున్న సినిమాలు సక్సెస్ సాధిస్తే మహేష్ బాబును కలుస్తానని శ్రీనువైట్ల చెప్పారు. అయితే మహేష్ శ్రీనువైట్లకు ఛాన్స్ ఇస్తారా? అనే ప్రశ్నలు వినిపిస్తున్నాయి.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
