Ram Charan: రాంచరణ్ – బుచ్చిబాబు సినిమాలో హీరోయిన్ గా ఆ స్టార్ హీరోయిన్ కూతురు..!

మెగా పవర్ స్టార్ రాంచరణ్.. ప్రస్తుతం ‘గేమ్ ఛేంజర్’ సినిమా షూటింగ్లో పాల్గొంటూ బిజీగా గడుపుతున్నాడు. శంకర్ డైరెక్ట్ చేస్తున్న ఈ సినిమాను దిల్ రాజు దాదాపు రూ.280 కోట్ల భారీ బడ్జెట్ తో నిర్మిస్తున్నాడు. ఇక ఈ చిత్రం పూర్తయ్యాక బుచ్చిబాబు సానా దర్శకత్వంలో మరో సినిమా చేయడానికి చరణ్ గ్రీన్ సిగ్నల్ ఇచ్చాడు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి.

ఇందులో భాగంగా హీరోయిన్ ను ఫైనల్ చేసేందుకు లుక్ టెస్టులు కూడా నిర్వహిస్తున్నాడు దర్శకుడు బుచ్చిబాబు. ఇదిలా ఉండగా.. రాంచరణ్ 16 వ సినిమా కోసం కె.జి.ఎఫ్ నటి కూతురిని తీసుకోబోతున్నట్లు సమాచారం. ఆమె మరెవరో కాదు రవీనా టాండన్ కూతురు రాషా థడానీ. అవును ఈమె కూడా సినిమాల్లోకి ఎంట్రీ ఇవ్వడానికి రెడీ అయ్యింది. ఆల్రెడీ ఓ హిందీ ప్రాజెక్ట్ ను కూడా ఓకే చేసింది. ఇప్పుడు చరణ్-బుచ్చిబాబు సినిమా కోసం హైదరాబాద్ వచ్చి మరీ ఫోటో షూట్లో పాల్గొంది.

శుక్రవారం నాడు ఆమె తన తల్లితో కలిసి హైదరాబాద్ కి వచ్చినట్లు పలు ఫోటోలు, వీడియోల ద్వారా విషయం బయటకు వచ్చింది. లుక్ టెస్ట్ కోసమే ఆమె ఫోటో షూట్లో పాల్గొంది అని సమాచారం. అయితే లుక్ టెస్ట్ కోసం చాలా మంది హీరోయిన్లు వస్తుంటారు కానీ అందరూ ఫిక్స్ అవుతారు అని చెప్పలేం. సో అధికారిక ప్రకటన వచ్చే వరకు ఇది కన్ఫర్మ్ అనుకోవడానికి లేదు.

స్కంద సినిమా రివ్యూ & రేటింగ్!

చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !