బాలీవుడ్ ముద్దుగుమ్మ దీపికా పదుకోన్ ఆగ్రహానికి లోనయ్యారు. యాసిడ్ దాడి బాధితురాలు లక్ష్మీ అగర్వాల్ జీవితం ఆధారంగా తెరకెక్కిన ‘ఛపాక్’ సినిమా ప్రమోషన్స్ లో భాగంగా దీపికా పలు ఇంటర్వ్యూల్లో పాల్గొంటుంది. ఆదివారం నాడు ఓ కార్యక్రమంలో పాల్గొన్న ఆమె షకున్ బాత్రా దర్శకత్వంలో తెరకెక్కనున్న సినిమాలో సిద్ధాంత్ చతుర్వేది, అనన్య పాండేతో కలిసి నటిస్తున్నట్లు చెప్పారు. ఈ సినిమాకి ఇంకా టైటిల్ కన్ఫర్మ్ చేయలేదని.. షూటింగ్ మార్చిలో మొదలవుతుందని చెప్పారు. 2021 ఫిబ్రవరి 12న సినిమా విడుదల చేయడానికి ప్లాన్ చేస్తున్నట్లు చెప్పారు.
ఈ క్రమంలో ఓ విలేకరి ‘మీరు గర్భవతట కదా..?’ అని ప్రశ్నించాడు. దీనికి ఆమె ‘ఏంటీ నేను ప్రెగ్నెంట్‌లా కనిపిస్తున్నానా? నేనెప్పుడు తల్లిని కావాలో కూడా మీరే చెప్పండి. మీరు పర్మిషన్ ఇస్తే మేం పిల్లల గురించి ప్లాన్ చేసుకుంటాం’ అని ఫైర్ అయ్యారు. నిజంగా గర్భవతిని అయితే అందులో దాచాల్సింది ఏముందని అన్నారు. గతేడాది రణవీర్ ని ప్రేమించి పెళ్లి చేసుకున్న దీపికా తల్లి కాబోతుందంటూ కొన్ని రోజులుగా బాలీవుడ్ లో వార్తలు చక్కర్లు కొడుతున్నాయి. ఈ వార్తలను దీపికా ఖండించింది.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
