Prabhas, Nayanthara: మళ్ళీ ప్రభాస్- నయన్ కాంబో.. అసలు విషయాన్ని బయటపెట్టేసిన నటి..!

September 27, 2023 / 12:34 PM ISTByFilmy Focus

Join Us

Prabhas, Nayanthara: మళ్ళీ ప్రభాస్- నయన్ కాంబో.. అసలు విషయాన్ని బయటపెట్టేసిన నటి..!

టాలీవుడ్లో రూపొందిన ఆల్ టైం క్లాసిక్ మూవీస్ లో ‘భక్త కన్నప్ప’ కూడా ఒకటి.ఆ చిత్రం ప్రభాస్ తో రీమేక్ చేయాలని కృష్ణంరాజు చాలా సార్లు అనుకున్నారు. కానీ స్క్రిప్ట్ వర్కౌట్ కాలేదు. అలాంటి క్లాసిక్ ను మంచు విష్ణు రీమేక్ చేయబోతున్నాడు.ఇప్పటి ప్రేక్షకుల అభిరుచికి తగ్గట్టు కొన్ని మార్పులు చేసి ‘కన్నప్ప’ ని సెట్స్ పైకి తీసుకెళ్లనున్నారు. మొదట తనికెళ్ళ భరణి తో ఈ చిత్రానికి దర్శకత్వం వహిస్తాడు అంటూ ప్రచారం జరిగింది.

కానీ ఈ ప్రాజెక్టులో ఆయన భాగం కాలేదు. ‘భక్త కన్నప్ప’ రీమేక్ కి మంచు విష్ణు రూ.60 కోట్ల వరకు బడ్జెట్ పెడుతున్నట్టు టాక్ నడుస్తుంది. ఇదిలా ఉండగా.. ఈ చిత్రంలో శివపార్వతులుగా ప్రభాస్ – నయనతార నటించబోతున్నట్టు టాక్ నడుస్తుంది. అది నిజమే అని ఇప్పటి వరకు మంచు విష్ణు అండ్ టీం క్లారిటీ ఇచ్చింది లేదు. కానీ ఓ సీనియర్ హీరోయిన్ మాత్రం అది నిజమే అని క్లారిటీ ఇచ్చేసింది. ఆ సీనియర్ హీరోయిన్ మరెవరో కాదు మధుబాల.

ఇటీవల ఆమె పాల్గొన్న ఓ ఇంటర్వ్యూలో .. ‘నేను కూడా ‘కన్నప్ప’ సినిమాలో నటిస్తున్నాను. ఇందులో (Prabhas) ప్రభాస్, నయనతార .. శివపార్వతులుగా కనిపించనున్నారు. ఇక ఈ సినిమా కోసం దాదాపు 600 మంది సాంకేతిక నిపుణులు పనిచేస్తున్నారు. పరుచూరి, విజయేంద్ర ప్రసాద్, తోటపల్లి సాయినాథ్, తోట ప్రసాద్, నాగేశ్వర్ రెడ్డి, ఈశ్వర్ రెడ్డి.. వంటి గొప్ప రచయితలు ఈ సినిమా స్క్రిప్ట్ ను అద్భుతంగా తయారు చేశారు’ అంటూ మధుబాల అసలు విషయాన్ని బయటపెట్టేసింది.