The Family Star: ఫ్యామిలీ స్టార్ టీమ్ పై నటి విమర్శలు.. ఛాన్స్ ఇచ్చి డబ్బులివ్వలేదంటూ?

విజయ్ దేవరకొండ (Vijay Deverakonda) , మృణాల్ ఠాకూర్ (Mrunal Thakur)  జంటగా నటించిన ఫ్యామిలీ స్టార్ (The Family Star) మూవీ బాక్సాఫీస్ వద్ద సంచలనాలు సృష్టిస్తుందని ఫ్యాన్స్ భావించగా ఊహించని విధంగా ఈ సినిమా గురించి నెగిటివ్ టాక్ స్ప్రెడ్ అవుతోంది. ఫస్ట్ వీకెండ్ వరకు ఈ సినిమాకు కలెక్షన్ల విషయంలో సమస్య లేదు కానీ వీకెండ్ తర్వాత ఈ సినిమా కలెక్షన్లపై కొంతమేర ఎఫెక్ట్ పడే ఛాన్స్ ఉంది. టిల్లూ స్క్వేర్ (Tillu Square) , మంజుమ్మల్ బాయ్స్ (Manjummel Boys)  సినిమాలకు యునానిమస్ పాజిటివ్ టాక్ రావడం కూడా ఫ్యామిలీ స్టార్ కు మైనస్ అయిందని చెప్పవచ్చు.

అయితే విచిత్రం ఏంటంటే ఫ్యామిలీ స్టార్ సినిమాలో చిన్న రోల్ పోషించిన ఆశా బొర్రా ఫ్యామిలీ స్టార్ యూనిట్ పై ఫైర్ అవుతూ చేసిన పోస్ట్ నెట్టింట వైరల్ అవుతోంది. సోషల్ మీడియా ఇన్ ఫ్లూయెన్సర్ గా పాపులారిటీని కలిగి ఉన్న ఆశా బొర్రా నాలాంటి దానిని పిలిచి మరీ స్టఫ్ లా వాడుకుని వదిలేస్తే సినిమా అట్టర్ ఫ్లాప్ కాక ఏమవుతుందని అన్నారు. సీన్స్, సాంగ్స్, ఫ్యామిలీ ఫంక్షన్స్ ఇలా ప్రతిదానిలో నేను కనిపించానుగా అంటూ ఆశా బొర్రా సెటైర్లు వేశారు.

ఇంతోటిదానికి నా టైం వేస్ట్ చేసి మీ టైం వేస్ట్ చేసుకున్నారని సినిమాలో రోల్ నేనే చేయాలంటూ అసిస్టెంట్ డైరెక్టర్ నుంచి కాస్టింగ్ డైరెక్టర్ వరకు అందరూ ఫోన్లు చేసి హంగామా చేశారని ఆమె తెలిపారు. హైదరాబాద్ లో జూనియర్ ఆర్టిస్ట్ లకు కరువొచ్చిందో లేక సోషల్ మీడియా ఫేస్ లను ఉపయోగించుకోవాలని చేశారో అని ఆశా బొర్రా కామెంట్లు చేశారు. ఆరోగ్యం బాలేకపోయినా షూట్ కు వస్తే నాకు ఒక్క డైలాగ్ కూడా లేదని ఆమె తెలిపారు.

రెమ్యునరేషన్, ట్రావెలింగ్ ఖర్చులు, హోటల్ ఖర్చులు ఇవ్వకుండా మాకేం సంబంధం అనేలా రియాక్ట్ కూడా కాలేదని ఆశా బొర్రా అన్నారు. ఇలా ప్రశ్నిస్తే కాంట్రవర్సీ అని ట్యాగ్ ఇస్తారని ఆమె పేర్కొన్నారు. ఆశా బొర్రా చేసిన పోస్ట్ కు నెటిజన్ల నుంచి భిన్నాభిప్రాయాలు వ్యక్తమవుతున్నాయి.