క్యాస్టింగ్ కౌచ్ ఆరోపణలు.. కొత్తేమీ కాదు. బాలీవుడ్ స్టార్ హీరోయిన్ తను శ్రీ దత్తా ఎప్పుడైతే మీటూ ఉద్యమాన్ని మొదలుపెట్టిందో అప్పటి నుండీ.. ఇవి మరింత ఎక్కువయ్యాయి. ఎందరో నటీమణులు తాము ఎదుర్కొన్న వేధింపుల గురించి మీడియా లేదా సోషల్ మీడియా ద్వారా ప్రేక్షకులతో పంచుకున్నారు. దీని వల్ల కొంత మంచి జరిగింది.. అలాగే చెడు కూడా జరిగింది. మంచి ఏంటి అంటే చాలా మంది మహిళలు సినిమాల్లోకి రావడానికి భయపడడం లేదు. ఇక నటీమణులు కూడా ధైర్యంగానే ఉంటున్నారు.
ఇక చెడు ఏంటి అంటే.. క్యాస్టింగ్ కౌచ్ ఆరోపణలు చేసిన నటీమణులకు ఎక్కువగా అవకాశాలు రావడం లేదు.ఇదిలా ఉండగా… తాజాగా దివంగత స్టార్ హీరో సుశాంత్‌సింగ్‌ రాజ్‌పుత్‌ మాజీ ప్రేయసి, నటి అంకితా లోఖండే కూడా దక్షిణాది చిత్ర పరిశ్రమలో తనకు ఎదురైన చేదు అనుభవాలను నేషనల్ మీడియాతో పంచుకుంది. అంకిత మాట్లాడుతూ.. “20 ఏళ్ళకే నేను ఇండస్ట్రీలో అడుగుపెట్టాను. ‘పవిత్ర రిస్తా’ అనే హిందీ సీరియల్ ద్వారా నాకు పాపులారిటీ లభించింది…
దాంతో నాకు సౌత్ నుండీ మూవీ ఆఫర్ వచ్చింది. ఓ స్టార్ హీరో నన్ను గదిలోకి రమ్మని కాంప్రమైజ్ అవుతావా అని అడిగాడు. దానికి నేను… ‘మీ నిర్మాతకు ఎలాంటి కంప్రమైజ్‌ కావాలి? పార్టీలకు, డిన్నర్లకు రావాలా? అని అడిగాను. దానికి ఆ స్టార్ హీరో నుండీ జవాబు రాలేదు.వెంటనే షేక్‌హ్యాండ్‌ ఇచ్చి బయటకు వచ్చేసాను. నాకు ఆ సినిమాలో ఛాన్స్ దక్కదు అని అప్పుడే అర్ధమైంది” అంటూ చెప్పుకొచ్చింది. ఆ స్టార్ హీరో పేరు కానీ, నిర్మాత పేరు కానీ బయట పెట్టలేదు అంకిత.
Most Recommended Video
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
ఈ సక్సెస్ ఫుల్ డైరెక్టర్లు ఒకప్పుడు స్టార్ డైరెక్టర్స్ దగ్గర అసిస్టెంట్లుగా చేసిన వాళ్ళే..!
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
