Pawan Kalyan: ‘ఏకే’ రీమేక్ నుండి సినిమాటోగ్రాఫర్ ఔట్!

పవర్ స్టార్ పవన్ కళ్యాణ్, రానా దగ్గుబాటి కాంబినేషన్ లో ‘అయ్యప్పనుమ్ కోశియుమ్’ రీమేక్ తెరకెక్కుతోన్న సంగతి తెలిసిందే. మలయాళంలో అయితే ఈ సినిమా సూపర్ హిట్. అందుకే తెలుగు రీమేక్ ను భారీగా ప్లాన్ చేశారు. దర్శకుడు సాగర్ కె చంద్ర ఈ సినిమాను రూపొందిస్తున్నారు. త్రివిక్రమ్ స్క్రీన్ ప్లే-మాటలు అందిస్తోన్న ఈ సినిమాను సితార ఎంటర్టైన్మెంట్స్ బ్యానర్ పై నిర్మిస్తున్నారు. ఇప్పటికే ఒక షెడ్యూల్ ను పూర్తి చేసుకున్న ఈ సినిమా తిరిగి షూటింగ్ ను మొదలుపెట్టనున్నారు.

ఈ సినిమాకి సినిమాటోగ్రాఫర్ గా ప్రసాద్ మూరెళ్లను తీసుకున్నారు. అయితే ఇప్పుడు ఈ ప్రాజెక్ట్ నుండి ఆయన తప్పుకున్నారట. గతంలో ఆయన ఎన్నో హిట్టు సినిమాలకు పని చేశారు. పవన్ కళ్యాణ్ నటించిన రెండు సినిమాలకు కూడా పని చేశారు. ఇండస్ట్రీలో కూడా ఆయనకు మంచి పేరుంది. కానీ ఇప్పుడు ‘ఏకే’ రీమేక్ నుండి తప్పుకున్నట్లు తెలుస్తోంది. కారణం ఏంటనేది మాత్రం బయటకు రాలేదు. ఇప్పుడు ప్రసాద్ మూరెళ్ల స్థానంలో ప్రముఖ సినిమాటోగ్రాఫర్ రవి కె చంద్రన్ ను తీసుకున్నట్లు సమాచారం.

అయితే ఇప్పటివరకు రవిచంద్రన్ తెలుగులో పెద్దగా సినిమాలు చేయలేదు. కానీ మలయాళ, హిందీ, తమిళ చిత్రాల్లో పని చేసి మంచి గుర్తింపు తెచ్చుకున్నారు. మహేష్ బాబు నటించిన ‘భరత్ అనే నేను’ సినిమాతో టాలీవుడ్ లో ఎంట్రీ ఇచ్చారు రవి చంద్రన్. ఇప్పుడు పవన్ సినిమాకి పని చేస్తుండడం విశేషం!

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్