సౌత్ ఇండియా స్టార్ హీరోయిన్స్ గా గుర్తింపు పొందిన వారిలో రష్మిక మందన కూడా ఒకరు. ఛలో సినిమా ద్వారా టాలీవుడ్ ఇండస్ట్రీలో అడుగుపెట్టిన రష్మిక ఆ తర్వాత తెలుగు తమిళ్ భాషలలో స్టార్ హీరోల సరసన నటించే అవకాశాలు దక్కించుకొని అతి తక్కువ కాలంలోనే స్టార్ హీరోయిన్ గా గుర్తింపు పొందింది. ఇక అల్లు అర్జున్ సరసన పుష్ప సినిమాలో నటించి పాన్ ఇండియా హీరోయిన్ గా పాపులర్ అయింది.
తాజాగా బాలీవుడ్ ఇండస్ట్రీలో రష్మిక, సిద్థార్థ్ మల్హోత్రా జంటగా నటించిన ” మిషన్‌ మజ్ను” జనవరి 20న.. నెట్‌ఫ్లిక్స్‌లో విడుదల కానుంది. ఇప్పటికే ఈ సినిమా నుండి విడుదలైన ట్రైలర్ ప్రేక్షకులను బాగా ఆకట్టుకుంటుంది. ప్రస్తుతం రష్మిక ఈ సినిమా ప్రమోషన్ పనులలో బిజీగా ఉంటుంది. ఇదిలా ఉండగా బాలీవుడ్ సినీ క్రిటిక్ కె ఆర్ కె ఇటీవల రష్మిక గురించి సంచలన వ్యాఖ్యలు చేశాడు. ట్విట్టర్ వేదికగా రష్మిక గురించి కె ఆర్ కె చేసిన ట్వీట్ ఇప్పుడు సంచలనంగా మారింది.
ఈ మధ్య కాలంలో.. రష్మిక తరచూ వివాదాల్లో చిక్కుకుంటున్న సంగతి తెలిసిందే. ఈ క్రమంలో గతంలోనే రష్మిక భోజ్ పురీ సినిమాలకు తప్ప బాలీవుడ్ సినిమాలకు పనికి రాదని విమర్శలు చేశాడు. ఇక తాజాగా ట్విట్టర్ వేదికగా రష్మిక ని విమర్శిస్తూ.. నీ బాయ్ ఫ్రెండ్ కి పట్టిన గతే నీకు పడుతుంది అంటూ విమర్శలు చేశాడు. కేఆర్కే సోమవారం తన ట్విట్టర్‌లో రష్మిక మందనను ట్రల్ చేస్తూ.. విజయ్ దేవరకొండ ‘లైగర్’ మూవీ బాక్సాఫీస్ వైఫల్యం గురించి ఎగతాళి చేశాడు. సమీప భవిష్యత్తులో హిందీ ప్రేక్షకులు రష్మిక అప్‌కమింగ్ హిందీ చిత్రాలను కూడా ఇలాగే ఫెయిల్‌ చేస్తారని,
తనని బాలీవుడ్ లో లేకుండా తరిమి కొడతారు అంటూ విమర్శించాడు. అంతే కాకుండా రష్మిక కేవలం భోజ్‌పురి సినిమాలకు మాత్రమే సెట్ అవుతుందని, ఆమెను వాటిల్లో చూడటం ఆనందంగా ఉంటుందని మరొకసారి అమెను విమర్శిస్తూ.. ట్వీట్ చేశాడు. అయితే రష్మిక విజయ్ దేవరకొండ గురించి ఇలా విమర్శలు చేయటంతో వారి అభిమానులు కేఆర్కే మీద ఆగ్రహం వ్యక్తం చేస్తున్నారు. గతంలో అతను నటించిన దేశద్రోహి సినిమా వైఫల్యం గురించి ప్రస్తావిస్తూ అతనికి క్లాస్ పీకుతున్నారు.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
