ఎయిర్ పోర్ట్ అధికారులపై స్టార్ హీరో ఫైర్!

సౌత్ సినిమా ఇండస్ట్రీలో హీరోగా తనకంటూ ఓ ఇమేజ్ క్రియేట్ చేసుకున్నారు సిద్ధార్థ్. మొదటి సినిమాతోనే మంచి క్రేజ్ సంపాదించుకున్న ఈ హీరో ఆ తరువాత వరుసగా లవ్ స్టోరీస్ లో నటిస్తూ.. హిట్టు మీద హిట్టు అందుకున్నారు. అయితే ఈ మధ్యకాలంలో ఆయన సినిమాలు తగ్గించినా.. సోషల్ మీడియాలో మాత్రం చాలా యాక్టివ్ గా ఉంటున్నారు. రీసెంట్ గా తన తల్లిదండ్రులకు మధురై ఎయిర్ పోర్ట్ లో ఎదురైన చేదు అనుభవం గురించి వెల్లడించారు సిద్ధార్థ్.

సోషల్ మీడియాలో సిద్ధార్థ్ పెట్టిన పోస్ట్ వైరల్ అవుతోంది. తన తల్లిదండ్రులతో కలిసి సిద్ధార్థ్ మధురై ఎయిర్ పోర్ట్ లో విమానం దిగి బయటకు వస్తుండగా.. తనను అక్కడి సీఆర్పీఎఫ్ సిబ్బంది అడ్డుకున్నారని చెప్పారు. దాదాపు ఇరవై నిమిషాల పాటు తమను ఇబ్బంది పెట్టారని చెప్పారు. తన తల్లిదండ్రుల జేబులు, సంచుల్లో సొమ్ముని తీయాలని డిమాండ్ చేశారని.. హిందీలో మాట్లాడుతూ అసహనానికి గురి చేశారని వాపోయారు. ఇంగ్లీష్ లో మాట్లాడాలని కోరినప్పటికీ..

పట్టించుకోకుండా పదే పదే హిందీలో మాట్లాడి ఇండియాలో ఇంతే అని అన్నారని చెప్పుకొచ్చారు. తమకు ఎదురైన పరిస్థితిపై విమానాశ్రయంలో పై స్థాయి అధికారులకు ఫిర్యాదు చేశానని తెలిపారు. నటుడు సిద్ధార్థ్ తరచూ ఏదొక వివాదంలో చిక్కుకుంటూ ఉంటారు. ఒక్కోసారి ఆయన చేసే వ్యాఖ్యలు దుమారం రేపుతూ ఉంటాయి.

ఇక ఆయన కెరీర్ విషయానికొస్తే.. తెలుగులో ఆయన చివరిగా ‘మహాసముద్రం’ సినిమాలో కనిపించారు. ఆ సినిమా డిజాస్టర్ గా మిగిలింది. ప్రస్తుతం ఆయన ‘ఇండియన్2’ సినిమాలో నటిస్తున్నారని సమాచారం. కమల్ హాసన్ హీరోగా నటిస్తోన్న ఈ సినిమాలో సిద్ధార్థ్ కీలకపాత్రలో కనిపించనున్నారు. ఈ ప్రాజెక్ట్ తప్ప ఆయన చేతిలో మరో సినిమా లేదు.

18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!

ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?