టాలీవుడ్ ఇండస్ట్రీలో స్టార్ హీరోల ఫ్యామిలీ నుంచి ఎవరో ఒకరు యాక్టింగ్ ఫీల్డ్ లో కొనసాగడం కామన్ గా వస్తున్నదే. ఇక త్వరలో జూనియర్ ఎన్టీఆర్ ఫ్యామిలీ నుంచి కూడా ఒక కుర్రాడు రాబోతున్నాడు. అంటే నందమూరి వారి నుంచి కాదు. జూనియర్ ఎన్టీఆర్ భార్య లక్ష్మీ ప్రణతి సోదరుడు నార్నే నితిన్ చంద్ర హీరోగా రాబోతున్నాడు. ఇప్పటికే నటనలో కోర్సు కూడా పూర్తి చేశాడట. అయితే లాక్ డౌన్ లో ఖాళీగా ఉండకుండా ఎక్కువగా బావ ఎన్టీఆర్ తో టైమ్ స్పెండ్ చేసి కొన్ని మెళకువలు కూడా నెర్చుకున్నట్లు సమాచారం.
తారక్ తో డైలీ వర్కౌట్స్ చేయడమే కాకుండా ఇండస్ట్రీలో ఎలా ఉండాలి అని ఎన్నో విషయాలని కూడా అవగాహనకు తెచ్చుకున్నట్లు తెలుస్తోంది. అసలైతే గత ఏడాది తేజ దర్శకత్వంలోనే ఒక సినిమా చేయడానికి గ్రీన్ సిగ్నల్ ఇచ్చినట్లు టాక్ వచ్చింది. అదే చిత్రం సీక్వెల్ అని కూడా అన్నారు. అయితే ఎన్టీఆర్ కు ఆ కథ అంతగా నచ్చకపోవడంతో తప్పుకొమ్మని అన్నాడట. ఇక ఒక దర్శకుడి నుంచి మంచి కథను విన్న తారక్ దాన్ని బావమరిది కోసం ఫిక్స్ చేసినట్లు టాక్ వస్తోంది.
కథకు తగ్గట్లుగా కొన్ని రోజులు వర్క్ షాప్ చేయమని కూడా సలహా ఇచ్చాడట. ఇక సొంత బ్యానర్ లోనే ఆ సినిమాను నిర్మించే అవకాశం ఉన్నట్లు సమాచారం. ఏదేమైనా తారక్ తన బావమరిదికి మొదటి సినిమా కోసం స్పెషల్ కేరింగ్ తీసుకుంటున్నట్లు అర్ధమవుతొంది. మరి ఆ సినిమా ఎలాంటి రిజల్ట్ ను అందుకుంటుందో చూడాలి.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home