War 2 Movie: హృతిక్, తారక్ ఫైట్ సీన్స్ గురించి క్లారిటీ ఇచ్చిన అనల్ అరసు.. ఆ హామీ ఇస్తూ?

సినిమా ఇండస్ట్రీలోని ప్రముఖ యాక్షన్ కొరియోగ్రాఫర్లలో అనల్ అరసు ఒకరు. ఆర్ఆర్‌ఆర్ (RRR) మూవీతో తారక్ కు (Jr NTR) పాన్ ఇండియా స్థాయిలో గుర్తింపు వచ్చిందనే సంగతి తెలిసిందే. విదేశాల్లో సైతం జూనియర్ ఎన్టీఆర్ కు భారీ సంఖ్యలో ఫ్యాన్స్ ఉన్నారు. బాలీవుడ్ ఇండస్ట్రీ నుంచి తారక్ కు వార్2 సినిమాలో నటించే ఛాన్స్ రాగా ఈ సినిమాలో తారక్ నటిస్తున్నారు. ఈ సినిమాకు అనల్ అరసు యాక్షన్ కొరియోగ్రాఫర్ గా పని చేస్తున్నారు.

తాజాగా ఒక ఇంటర్వ్యూలో మాట్లాడిన అనల్ అరసు వార్2 క్లైమాక్స్ హృతిక్ రోషన్ (Hrithik Roshan), జూనియర్ ఎన్టీఆర్ మధ్య ఉంటాయని ఈ యాక్షన్ సీన్స్ వేరే లెవెల్ లో ఉంటాయని వెల్లడించారు. ఆ యాక్షన్ సన్నివేశాలను చూసి ఫ్యాన్స్ సర్ప్రైజ్ కావడం గ్యారంటీ అని అనల్ అరసు నుంచి అభిప్రాయాలు వ్యక్తమవుతున్నాయి. వార్2 షూటింగ్ కూడా వేగంగానే పూర్తి కానుందని సమాచారం అందుతోంది.

2025 సంవత్సరం ఇండిపెండెన్స్ డే కానుకగా ఈ సినిమా రిలీజ్ కానుందనే సంగతి తెలిసిందే. ఆ సమయానికి ఈ సినిమా కచ్చితంగా రిలీజ్ చేసేలా మేకర్స్ ప్లాన్ ఉందని భోగట్టా. వార్2 సినిమా యాక్షన్ ప్రియులను ఖచ్చితంగా మెప్పించే విధంగా ఉండబోతుందని సమాచారం అందుతోంది. వార్2 సినిమాకు సంబంధించిన అప్ డేట్స్ కోసం ఫ్యాన్స్ ఒకింత ఆసక్తిగా ఎదురుచూస్తున్నారు.

వార్2 సినిమాలో తారక్ పాత్ర నిడివికి సంబంధించి ఎన్నో వార్తలు సోషల్ మీడియాలో చక్కర్లు కొడుతున్నాయి. వార్2 మూవీ అయాన్ ముఖర్జీ డైరెక్షన్ లో తెరకెక్కుతోంది. బడ్జెట్ విషయంలో మేకర్స్ అస్సలు రాజీ పడటం లేదు. యశ్ రాజ్ ఫిల్మ్స్ బ్యానర్ లో ఈ సినిమా తెరకెక్కుతోంది. వార్2 మూవీ తారక్ కెరీర్ లో బెస్ట్ హిట్ గా నిలవాలని అభిమానులు ఫీలవుతుండటం గమనార్హం.