‘వి’ చిత్రం కోసం ఎప్పటి నుండో ప్రేక్షకులు ఎంతో ఆసక్తితో ఎదురుచూస్తున్నారు. ఇంద్రగంటి మోహన్ కృష్ణ డైరెక్షన్లో తెరకెక్కిన ఈ చిత్రాన్ని సక్సెస్ ఫుల్ ప్రొడ్యూసర్ దిల్ రాజు నిర్మించారు. నాని, సుధీర్ బాబు, అదితి రావు హైదరి, నివేదా థామస్ లు ప్రధాన పాత్రలు పోషిస్తున్న ఈ చిత్రాన్ని మొదటి మార్చి 25న థియేటర్స్ లో విడుదల చెయ్యాలి అనుకున్నారు. కానీ కరోనా వైరస్ మహమ్మారి కారణంగా అది కుదరలేదు. ఇంకా థియేటర్లు తెరుచుకోలేని పరిస్ధితి నెలకొంది కాబట్టి.. ‘వి’ చిత్రాన్ని డైరెక్ట్ గా అమెజాన్ ప్రైమ్ లో విడుదల చేస్తున్నట్టు అధికారికంగా ప్రకటించారు. ఇక ప్రమోషన్లలో భాగంగా ఈరోజు ట్రైలర్ ను కూడా విడుదల చేసారు.నాని నెగిటివ్ టచ్ ఉన్న హీరోలా కనిపిస్తున్నాడు.
టీజర్ విడుదలైనప్పుడు ఇదొక సస్పెన్స్ థ్రిల్లర్ మాత్రమే అనే ఇంపాక్ట్ క్రియేట్ చేసింది. అయితే ఇందులో అదిరిపోయే యాక్షన్ ఎపిసోడ్స్ కూడా ఉన్నాయని ఈరోజు విడుదల చేసిన ట్రైలర్ స్పష్టంచేసింది. ముఖ్యంగా 6 ప్యాక్ బాడీతో హీరో సుధీర్ బాబు చేస్తున్న ఓ ఫైట్ సినిమాకే హైలెట్ అయ్యేలా ఉంటుందని చెప్పడంలో అతిసయోక్తి లేదు. కెరీర్ ప్రారంభం నుండీ అతను ప్రేమకథా చిత్రాలను ఎక్కువగా చేస్తూ వచ్చాడు. ‘సమ్మోహనం’ చిత్రంలో సుధీర్ బాబు నేచురల్ పెర్ఫార్మెన్స్ తో మరో మెట్టు పైకి ఎక్కిన సుధీర్ బాబు… ‘వి’ చిత్రంతో మంచి యాక్షన్ హీరోగా కూడా గుర్తింపు తెచ్చుకునే అవకాశాలు ఎక్కువగా కనిపిస్తున్నాయి.
కచ్చితంగా ఈ చిత్రం సుధీర్ బాబు కెరీర్ కు టర్నింగ్ పాయింట్ అవుతుందని చాలా మంది తమ అభిప్రాయాన్ని వ్యక్తం చేస్తున్నారు.’భలే మంచి రోజు’ సినిమా ఆడియో ఫంక్షన్లో ‘సుధీర్ బాబు కి ఒక్క సరైన సినిమా పడితే స్టార్ అయిపోతాడు’ అంటూ సూపర్ స్టార్ మహేష్ బాబు కామెంట్ చేసిన సంగతి తెలిసిందే. బహుసా సుధీర్ బాబు ని స్టార్ ను చేసేది ‘వి’ చిత్రమే అయ్యుండొచ్చు.
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
IMDB రేటింగ్స్ ప్రకారం టాప్ 25 టాలీవుడ్ మూవీస్ ఇవే…!
