పవర్ స్టార్ పవన్ కళ్యాణ్ రాజకీయాల్లో బిజీగా ఉంటున్నప్పటికీ.. వరుస సినిమాలను ఒప్పుకుంటున్నారు. ఇప్పటికే ఆయన కమిట్ అయిన సినిమాలను ఇంకా పూర్తి చేయలేదు కానీ కొత్త సినిమాలను ఒప్పేసుకుంటున్నారు. చాలా కాలంగా ‘సాహో’ ఫేమ్ సుజీత్ దర్శకత్వంలో పవన్ కళ్యాణ్ సినిమా చేయబోతున్నట్లు వార్తలొచ్చాయి. తమిళ ‘తేరి’ రీమేక్ ను తెలుగులో పవన్ కళ్యాణ్ తో చేయాలనుకున్నారు సుజీత్. ఇప్పుడు ప్లాన్స్ మారినట్లు తెలుస్తోంది. సుజీత్ ఓ కొత్త కథను సిద్ధం చేసుకొని పవన్ కి చెప్పారట.
స్టోరీతో పవన్ ని ఇంప్రెస్ చేయడంతో ఆయన ఓకే చెప్పినట్లు తెలుస్తోంది. ప్రస్తుతం ఈ సినిమాకి సంబంధించిన ప్రీ ప్రొడక్షన్ పనులు జరుగుతున్నాయి. ఇప్పుడు ఈ సినిమాను అఫీషియల్ గా లాంచ్ చేయాలనుకుంటున్నారు. దానికి ముహూర్తం కూడా పెట్టినట్లు తెలుస్తోంది. అక్టోబర్ 5న దసరా సందర్భంగా ఈ సినిమా పూజా కార్యక్రమాలను నిర్వహించనున్నారు. ఈ సినిమాను డీవీవీ దానయ్యతో కలిసి త్రివిక్రమ్ నిర్మించబోతున్నట్లు తెలుస్తోంది. ఈ ప్రాజెక్ట్ కి సంబంధించిన మరిన్ని వివరాలు తెలియాల్సివున్నాయి.
ఈ సినిమాతో పాటు ‘హరిహర వీరమల్లు’ సినిమాను సమాంతరంగా తెరకెక్కించనున్నారు. క్రిష్ తెరకెక్కిస్తోన్న ‘హరిహర వీరమల్లు’ సినిమాకి సంబంధించిన వర్క్ షాప్స్ జరుగుతున్నాయి. అక్టోబర్ మిడ్ నుంచి ఈ సినిమా షూటింగ్ మొదలుపెట్టబోతున్నట్లు మేకర్స్ వెల్లడించారు. ఈ సినిమా కోసం పవన్ యాభై రోజుల పాటు డేట్స్ కేటాయించినట్లు సమాచారం.
ఈ సినిమాలో నిధి అగర్వాల్ హీరోయిన్ గా కనిపించనుంది. అలానే నర్గిస్ ఫక్రి, అర్జున్ రామ్ పాల్ లాంటి బాలీవుడ్ స్టార్స్ కీలకపాత్రల్లో కనిపించనున్నారు. ప్రముఖ నిర్మాత ఏఎం రత్నం భారీ బడ్జెట్ తో ఈ సినిమాను నిర్మిస్తున్నారు. కీరవాణి సంగీతం అందిస్తున్నారు.
Most Recommended Video
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home