ఖరీదైన విల్లా సొంతం చేసుకున్న సుకుమార్!

టాలీవుడ్ స్టార్ డైరెక్టర్ సుకుమార్ హైదరాబాద్ లో ప్రధాన నగరంలో విలాసవంతమైన విల్లాను కొనుగోలు చేసినట్లు తెలుస్తోంది. కొండాపూర్ ప్రాంతంలో రూ.12 కోట్ల విలువైన విల్లాను సుకుమార్ సొంతం చేసుకున్నట్లు ఫిల్మ్ నగర్ వర్గాల సమాచారం. అల్లు అర్జున్ హీరోగా నటిస్తోన్న ‘పుష్ప’ సినిమా షూటింగ్ లో బిజీగా ఉన్న సుకుమార్ ఇటీవల చిన్న బ్రేక్ తీసుకొని తన కొత్త విల్లాలో గృహప్రవేశం చేసినట్లు తెలుస్తోంది. ఈ వేడుకకు సుకుమార్ తో పాటు అల్లు అర్జున్ కూడా హాజరైనట్లు సమాచారం.

అతి తక్కువ మంది కుటుంబ సభ్యులు, తన సోదరుల సమక్షంలో సుకుమార్ పూజా కార్యక్రమాలు నిర్వహించారు. ఈ విల్లా ప్రీమియం గేటెడ్ కమ్యూనిటీకి అనుసంధానించబడిన ప్రాంతంలో ఉంది. కొండాపూర్ లో చిరెక్ ఇంటర్నేషనల్ స్కూల్ కి సమీపంలో ఈ విల్లా ఉంది. మహేష్ బాబు AMB మాల్ కూడా ఈ విల్లాకు దగ్గరగా ఉంది. ‘రంగస్థలం’ సినిమాతో బ్లాక్ బస్టర్ అందుకున్న సుకుమార్ తన తదుపరి సినిమా అల్లు అర్జున్ తో చేస్తుండడంతో ‘పుష్ప’పై భారీ అంచనాలు ఏర్పడ్డాయి.

ఈ సినిమాలో అల్లు అర్జున్ సరసన రష్మిక హీరోయిన్ గా కనిపించనుంది. దేవిశ్రీ ప్రసాద్ సంగీతం సమకూరున్న ఈ సినిమాను ముత్తంశెట్టి మీడియాతో కలిసి మైత్రీ మూవీ మేకర్స్ బ్యానర్‌పై నవీన్ యెర్నేని, వై. రవిశంకర్ నిర్మిస్తున్నారు. గందపు చెక్కల స్మగ్లింగ్ నేపథ్యంలో ఈ సినిమా కథ సాగుతుంది. ‘పుష్ప’ను పాన్ ఇండియా చిత్రంగా తెలుగుతో పాటు హిందీ, తమిళం, మలయాళం, కన్నడ భాషల్లో విడుదల చేయనున్నారు.

Most Recommended Video

బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?