Sundeep Kishan: సందీప్, తేజ సజ్జ.. సినిమాలు ఎక్స్చేంజ్ అయ్యాయట..!

సందీప్ కిషన్ (Sundeep Kishan) కీలక పాత్ర పోషించిన ‘రాయన్’ ఈ శుక్రవారం.. అనగా జూలై 26న రిలీజ్ కాబోతోంది. ఈ సందర్భంగా తెలుగు మీడియాతో సందీప్ ముచ్చటించడం జరిగింది. ఈ సందర్భంగా అతను అనేక ఆసక్తికర సంగతులు చెప్పుకొచ్చాడు. ఈ క్రమంలో ‘రాయన్’ సినిమా ద్వారా చాలా వరకు డైరెక్షన్ విభాగంలో శిక్షణ పొందానని, గతంలో కంటే ఇప్పుడు పారితోషికం విషయంలో కూడా జాగ్రత్త వహిస్తున్నాని చెప్పుకొచ్చాడు. అంతేకాకుండా తన నెక్స్ట్ సినిమాల గురించి కూడా ఇంట్రెస్టింగ్ విషయాలు షేర్ చేసుకున్నాడు.

ప్రస్తుతం త్రినాథ్ రావ్ నక్కిన (Trinadha Rao) దర్శకత్వంలో ఓ కంప్లీట్ ఎంటర్టైన్మెంట్ సినిమా చేస్తున్నానని, చాలా కాలం తర్వాత ఓ ఫ్యామిలీ మూవీ చేస్తున్నందుకు ఆనందంగా ఉందని అతను తెలిపాడు. ఈ సినిమాకి ‘మజాకా’ అనే టైటిల్ అనుకుంటున్నట్టు కూడా చెప్పాడు. అంతేకాకుండా.. చిరంజీవి (Chiranjeevi)- తేజ సజ్జ(Teja Sajja)  … కలిసి చేయాల్సిన కథతో ‘మజాకా’ రూపొందుతుందని చెప్పి షాకిచ్చాడు. వాస్తవానికి సందీప్ కిషన్ ‘మిరాయ్’ సినిమా చేయాలని ఆశపడ్డాడట.

అలాగే తేజ సజ్జ కూడా ‘మజాకా’ చేయాలని కోరుకున్నాడట. కానీ తామొకటి తలిస్తే విధి మరో విధంగా ప్లాన్ చేసి.. మా ప్రాజెక్టులు ఎక్స్చేంజ్ అయ్యేలా చేసింది అని సందీప్ కిషన్ చెప్పుకొచ్చాడు. ఇదే క్రమంలో తేజ సజ్జ తనకు తమ్ముడు లాంటివాడు అని.. మేము చేస్తున్న ఈ సినిమాలు సక్సెస్ అవ్వాలని కోరుకుంటున్నట్టు కూడా సందీప్ కిషన్ ఈ సందర్భంగా చెప్పుకొచ్చాడు.