‘పవన్’తో కలసి నడుస్తా…సునీల్!!!

టాలీవుడ్ పవర్ స్టార్ పవన్ కల్యాణ్ పై తన అభిమానాన్ని సరికొత్త పద్దతిలో చాటుకున్నాడు సునీల్. కమీడీయన్ నుంచి హీరోగా మారిన సునీల్ తాజాగా ఒక మీడియా ఛానెల్ కు ఇచ్చిన ఇంటెర్వ్యులో మాట్లాడుతూ…తన మనసులోని మాటను బయటపెట్టాడు. స్వతహాగా చిరు కి వీరాభిమాని అయిన సునీల్, తనకు పవన్ అంటే కూడా కూడా చాలా ఇష్టం అని, తాను పవన్ ను వీరాభిమానిని అని తెలిపాడు.

అదే క్రమంలో పవర్ స్టార్ పవన్ కళ్యాణ్ ‘జనసేన పార్టీ’కి మద్దతు ఇవ్వడానికి, పవన్ కళ్యాణ్ తరుపున పని చేయడానికి తాను సిద్దంగా ఉన్నానని హీరో సునీల్ స్పష్టం చేసాడు. దీనితో  ‘జనసేన’ పార్టీ తరుపున వచ్చే ఎన్నికల్లో పోటీ చేసే ఆలోచనలు ఏమైనా ఉన్నాయా? అనే ప్రశ్నకు సునీల్ సమాధానం ఇస్తూ  తాను ఎన్నికల్లో పోటీ చేయాలనే ఆసక్తి లేదని అయితే పవన్ కల్యాణ్ అడిగితే మాత్రం ఆ పార్టీకి పనిచేయడం మద్దతు ఇవ్వడం, లాంటివి చేస్తానని తన మనసులోని మాటను బయట పెట్టాడు సునీల్.

అయితే గతంలో చిరు ప్రజారాజ్యం పెట్టినప్పుడు ఎక్కడా కనిపించని సునీల్ ఇప్పడు సడన్ గా ప్రెస్ మీట్ పెట్టి మరీ పవన్ తో  కలసి నడుస్తా అంటున్నాడు అంటే, ఎక్కడో ఏదో తెలియని లింక్ ఉంది అని మీడియా గుసగూసలాడుకుంటుంది. చూద్దాం ఏం జరుగుతుందో.