‘చిత్ర లహరి’ తో మెట్రోలో సందడి చేస్తున్న తేజు

మైత్రి మూవీ మేకర్స్ బ్యానర్లో ‘సుప్రీం హీరో’ సాయి ధరమ్ తేజ్ హీరోగా తెరకెక్కుతోన్న తాజా చిత్రం ‘చిత్రలహరి’. ‘సెకండ్ హ్యాండ్’ ‘నేను శైలజ’ ‘ఉన్నది ఒకటే జిందగీ’ వంటి డీసెంట్ చిత్రాలని తెరకెక్కించిన కిషోర్ తిరుమల ఈ చిత్రాన్ని డైరెక్ట్ చేస్తున్నారు. కల్యాణి ప్రియదర్శన్, నివేదా పేతురాజ్ హీరోయిన్లుగా నటిస్తున్న ఈ చిత్రం 50 శాతం షూటింగ్ పూర్తి చేసుకుందట.

శరవేగంగా షూటింగ్ జరుపుకుంటున్న ఈ చిత్రం ప్రస్తుతం హైదరాబాద్ పరిసర ప్రాంతాల్లో కీలక సన్నివేశాల్ని చిత్రీకరిస్తున్నట్టు సమాచారం. తాజాగా హైదరాబాద్ మెట్రో ట్రైన్లో కూడా కొన్ని సీన్లని షూట్ చేశారట. మియాపూర్ టు ఎల్బీ నగర్ లైన్లో వెళ్తున్న ట్రైన్లో ఈ సీన్లను రూపొందించారట. ఈ చిత్రంలో సునీల్ కూడా నటించబోతున్నాడట. దేవిశ్రీ ప్రసాద్ సంగీతం అందిస్తున్న ఈ చిత్రం సమ్మర్ కానుకగా విడుదల చేయడానికి చిత్ర యూనిట్ ప్లాన్ చేస్తున్నట్టు సమాచారం.