టాలీవుడ్ సూపర్ స్టార్ మహేష్ బాబు నటిస్తోన్న తాజా చిత్రం.. ‘సరిలేరు నీకెవ్వరు’. అనిల్ రావిపూడి డైరెక్ట్ చేసిన ఈ చిత్రం జనవరి 11న విడుదల కాబోతుంది. ఈ చిత్రంలో సూపర్ స్టార్ కృష్ణ గారు కూడా ఉండబోతున్నారని ప్రీ రిలీజ్ వేడుకలో దర్శకుడు అనిల్ రావిపూడి చెప్పుకొచ్చాడు. ఇది హార్డ్ కోర్ ఘట్టమనేని ఫ్యాన్స్ కు పండగ లాంటి వార్త అయినప్పటికీ.. ‘డై హార్డ్’ మహేష్ ఫ్యాన్స్ ను మాత్రం తెగ టెన్షన్ పెడుతుందట. మహేష్ నటించిన ‘రాజకుమారుడు’ చిత్రంలో కృష్ణ గారు కూడా కీలక పాత్ర పోషించారు. ఆ సినిమా కమర్షియల్ హిట్ అయ్యింది. మొదటి సినిమా కాబట్టి పాసైపోయింది.
కానీ అటు తరువాత వచ్చిన ‘వంశీ’ ‘టక్కరి దొంగ’ చిత్రాల ఫలితాలు అందరికీ తెలిసినవే. ఇప్పటి రోజుల్లో పాత హీరోలకు ఎలివేషన్స్ ఇస్తా ప్రేక్షకులు యాక్సెప్ట్ చేయడం లేదు. ప్రభాస్ ‘రెబల్’ చిత్రాన్ని తీసుకుంటే.. అందులో కృష్ణంరాజు గారి ఫైటింగ్ సీన్లు జనాల్ని విసిగించాయి. ఏదో ఫ్యాన్స్ ను శాటిస్ఫై చేయడానికి అలా డైరెక్టర్లు ఓ ట్రాక్ ను ఇరికిస్తే అది మొత్తం సినిమాకే ప్రమాదంగా మారుతుంది అనడంలో సందేహం లేదు. ఇప్పుడు మహేష్ ఫ్యాన్స్ లో కూడా అదే భయం మొదలైందట. ‘సరిలేరు నీకెవ్వరు’ లో కూడా కృష్ణ గారికి ఎలివేషన్స్ ఇస్తే మాత్రం కష్టమనే చెప్పాలి. మరి ఆ పాత్ర ఎలా ఉండబోతుందో జనవరి 11న తెలుస్తుంది.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
Home