సూర్య – జ్యోతిక కాంబోలో మూవీ.. అభిమానులకు పండగే..!

కోలీవుడ్ స్టార్ హీరో సూర్య సినిమాలకు తెలుగులో కూడా మంచి మార్కెట్ ఉన్న సంగతి తెలిసిందే. ప్రస్తుతం సూర్య నటిస్తున్న ‘సురరై పోట్రు’ (తెలుగులో ‘ఆకాశం నీ హద్దురా’) చిత్రం విడుదలకు సిద్ధంగా ఉంది. ‘గురు’ వంటి సూపర్ హిట్ ను తెలుగు ప్రేక్షకులకు అందించిన లేడీ డైరెక్టర్ సుధా కొంగర ఈ చిత్రాన్ని తెరకెక్కించారు. అపర్ణ బాలమురళి హీరోయిన్ గా నటిస్తున్న ఈ చిత్రాన్ని ‘సిఖ్య ఎంటెర్టైన్మెంట్స్’ మరియు ‘2డీ ఎంటర్టైన్మెంట్స్’ పై సూర్యనే స్వయంగా ఈ చిత్రాన్ని నిర్మించాడు.

దీపావళి కానుకగా నవంబర్ 12న అమెజాన్ ప్రైమ్లో ఈ చిత్రం విడుదల కాబోతుంది. కచ్చితంగా ఇది హిట్ అవుతుందనే నమ్మకాన్ని వ్యక్తం చేస్తున్నారు దర్శకనిర్మాతలు. దీంతో పాటు.. సూర్య అభిమానులకు మరో గుడ్ న్యూస్ కూడా ఉందట. అదేంటంటే… సూర్య తన సతీమణి జ్యోతికతో కలిసి త్వరలో ఓ చిత్రం చేయబోతున్నారట. 2006 లో వచ్చిన ‘నువ్వు నేను ప్రేమ’ చిత్రం తర్వాత వీరిద్దరూ కలిసి మరో సినిమా చెయ్యలేదు .

అదే ఏడాది వీరి వివాహం కూడా జరగడంతో జ్యోతిక… సినిమాలకు దూరమయ్యారు. అయితే కొన్నాళ్ళ తరువాత రీ ఎంట్రీ ఇచ్చిన జ్యోతిక వరుసగా లేడీ ఓరియెంటెడ్ సినిమాలను చేస్తూ హిట్లు మీద హిట్లు కొడుతున్నారు. ఇదే క్రమంలో వీరిద్దరితో మంచి లవ్ స్టోరీని తెరకెక్కించాలని దర్శకురాలు అంజలి మీనన్ ఓ కథను సిద్ధం చేసుకున్నారట. ఈ మధ్యనే వీరిని కలిసి కథ వినిపించగా వారికి నచ్చిందని.. దాంతో ఈ ప్రాజెక్టు చెయ్యడానికి వారు అంగీకరించినట్టు తెలుస్తుంది.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?