దర్శకధీరుడు ఎస్ ఎస్ రాజమౌళిపై (S. S. Rajamouli) ప్రశంసల వర్షం కురిపించాడు కోలీవుడ్ స్టార్ సూర్య (Suriya) . ‘సిరుతై’ శివ (Siva) దర్శకత్వంలో ఆయన హీరోగా నటించిన ‘కంగువా’ (Kanguva) ప్రీ రిలీజ్ ఈవెంట్‌లో సూర్య మాట్లాడుతూ.. “ప్రతి రోజూ రాత్రి రేపటికి కావాల్సిన స్క్రిప్ట్‌ను సిద్ధం చేసుకుని , మర్నాడు ఉదయం దాదాపు 3 వేల మందిని రాజమౌళి నడిపించేవారు. శివ ఈ కథను తనకు చెబుతున్నప్పుడు చిన్న పిల్లాడిలా ఎగ్జయిటింగ్‌ ఫీల్ అయ్యానని సూర్య చెప్పారు.
దాదాపు 160 నుండి 180 రోజుల పాటు శివ 3000 మందికి కమాండర్‌లా వ్యవహరించాడని సూర్య తెలిపారు. అంతేకాదు ‘కంగువా’ నా కెరీర్లో చిరస్థాయిగా నిలిచిపోయే సినిమా అవుతుందని, తనకు ఇంత మంచి సినిమాను ఇచ్చినందుకు శివకు సూర్య ధన్యవాదాలు తెలిపారు. ఈ మూవీలో పళనిస్వామి (Vetri Palanisamy) చిత్రీకరించిన విజువల్స్ చూసి దేశంలోని సినీ ప్రముఖులు షాక్ అవుతారని ఈ సందర్భంగా తెలిపాడు.
బాలీవుడ్ దర్శక నిర్మాత కరణ్ జోహార్ (Karan Johar) 45 నిమిషాల ఫుటేజీ చూసి ‘కంగువా’ యూనిట్‌ను మెచ్చుకున్నారని కూడా సూర్య చెప్పుకొచ్చాడు. కంగువాకి రాక్‌స్టార్ దేవిశ్రీ ప్రసాద్ (Devi Sri Prasad) అద్భుతమైన సంగీతం, బీజీఎం అందించాడని, కంగువాలో ఎన్నో సర్‌ప్రైజ్‌లు ఉన్నాయని , సినిమాలో మీకో స్పెషల్ సర్‌ప్రైజ్ ఉందని సినిమాలోనే దానిని చూడాలని సూర్య హింట్ ఇచ్చారు.
త్వరలోనే ‘కంగువా 2’ కి సంబంధించిన కీలక విషయాలు వెల్లడిస్తామని, నవంబర్ 14న మీకు మరో దీపావళి ఖాయమని ఆయన అన్నారు. ప్రస్తుతం సూర్య కామెంట్స్ వైరల్ అవుతున్నాయి. ‘కంగువాలో ఉన్న సర్‌ప్రైజ్ ఏంటా’ అనే దానిపై నెటిజెన్లు డిస్కషన్లు పెట్టుకుంటున్నారు.
Home