Puneeth Rajkumar: ఆ విషయాన్ని నమ్మలేకపోతున్నానన్న సూర్య!

కోలీవుడ్ స్టార్ హీరో సూర్య కన్నడ స్టార్ హీరో పునీత్ రాజ్ కుమార్ స్మారక చిహ్నం దగ్గర్ నివాళులు అర్పించడంతో పాటు కన్నీళ్లు పెట్టుకున్నారు. పునీత్ రాజ్ కుమార్ తో ఉన్న అనుబంధాన్ని గుర్తు చేసుకుంటూ సూర్య ఎమోషనల్ అయ్యారు. పునీత్ మృతి వల్ల దక్షిణాది సినీ పరిశ్రమలో విషాదం నెలకొనగా సౌత్ ఇండియా స్టార్ హీరోలలో చాలామంది హీరోలు అంత్యక్రియలకు హాజరయ్యారు. వేర్వేరు రీజన్స్ వల్ల అంత్యక్రియలకు హాజరు కాని హీరోలు బెంగళూరుకు వెళ్లి నివాళులు అర్పిస్తున్నారు.

హీరో సూర్య శుక్రవారం రోజున పునీత్ రాజ్ కుమార్ సమాధిని సందర్శించడంతో పాటు పునీత్ మరణాన్ని సూర్య జీర్ణించుకోలేకపోయారు. పునీత్ హఠాన్మరణాన్ని ఇప్పటికీ నమ్మలేకపోతున్నానని సూర్య చెప్పుకొచ్చారు. పునీత్ లేరనే విషయాన్ని జీర్ణించుకోలేకపోతున్నానని సూర్య పేర్కొన్నారు. పునీత్ కుటుంబానికి, తన కుటుంబానికి మధ్య మంచి స్నేహం ఉందని సూర్య చెప్పుకొచ్చారు. మా అమ్మ, పునీత్ అమ్మగారు గర్భిణిగా ఉన్న సమయంలో తొలిసారి కలిశారని సూర్య పేర్కొన్నారు. ఆ విధంగా అమ్మ కడుపులో ఉన్న సమయంలోనే కలుసుకున్నామని సూర్య వెల్లడించారు.

తన జ్ఞాపకాలు, తను చేసిన మంచి పనులు ఎప్పటికీ పదిలంగా ఉంటాయని తనను చాలా మిస్ అవుతున్నానని సూర్య పేర్కొన్నారు. సూర్య కన్నీళ్లు పెడుతున్న వీడియో నెట్టింట వైరల్ అవుతుండగా నెటిజన్లు ఈ వీడియో గురించి తమదైన శైలిలో కామెంట్లు చేస్తున్నారు. పునీత్ రాజ్ కుమార్ మరణ వార్తను తట్టుకోలేక కర్ణాటకలో ఇప్పటికే 15 మంది మృతి చెందడం గమనార్హం.

వరుడు కావలెను సినిమా రివ్యూ & రేటింగ్!

Most Recommended Video

రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!