సూర్య తెలుగు ప్రేక్షకులకు బాగా దగ్గరయ్యారవ్వడానికి ‘సింగం’ సిరీస్ కూడా ఓ కారణం అని చెప్పాలి. అప్పటికే తెలుగులో చాలా పోలీసు సినిమాలు వచ్చినా… వాటికి మించిన జోష్‌ ఏదో ‘సింగం’ సిరీస్‌లో కనిపించింది. దీంతో ప్రేక్షకులు ఆ సిరీస్‌కు బాగా అలవాటుపడిపోయారు. అందుకే ఇప్పటివరకు ఆ సిరీస్‌లో మూడు వచ్చి… మూడూ హిట్‌ కొట్టాయి. అయితే ఈ ఫ్రాంచైజీలో ఇప్పుడు నాలుగో సినిమా రాబోతోంది. మొదటి మూడు ‘సింగం’ల దర్శకుడు హరితోనే ‘సింగం 4’రూపొందుతుందట.
ఈ సినిమాను ఆగస్టులో ప్రారంభించాలని చిత్రబృందం భావిస్తోందట. నిజానికి ఈ సినిమా చాలా రోజుల క్రితమే మొదలవ్వాలి. అయితే కరోనా – లాక్‌డౌన్‌ పరిస్థితుల వల్ల ఆలస్యమవుతూ వచ్చింది. ఇటీవల ప్రారంభిద్దామని అనుకున్నా… కరోనా సెకండ్‌ వేవ్‌ రావడంతో వాయిదా వేశారు. అయితే ఇప్పుడు ఆగస్టులో పక్కగా స్టార్ట్‌ చేయాలని చూస్తున్నారట. మొదటి మూడు ‘సింగం’లలో సూర్య పోలీసు ఆఫీసర్‌గా కనిపించాడు. ఆఖరి ‘సింగం’లో ఇంటర్నేషనల్ పోలీసుగా మారాడు.
మరి నాలుగో ‘సింగం’లో ఏమవుతాడో చూడాలి. అన్నట్లు ఈ ‘సింగం’లోనూ హీరోయిన్‌గా అనుష్కనే కొనసాగుతుందట. ఆమెతో పాటు మరో నాయిక కూడా ఉంటుంది అంటున్నారు. జ్ఞానవేల్‌ రాజానే ఈ సినిమా నిర్మిస్తారని సమాచారం.
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..
