తమిళ సింగం సూరియకు తమిళ్ లో ఎలాంటి మార్కెట్ ఉందో మనం ప్రత్యేకంగా చెప్పుకొనవసరం లేదు. అయితే ఈ యువ హీరోకి అక్కడే కాదు, ఇక్కడ తెలుగులో కూడా మార్లేట్ బాగానే ఉంది. సూర్య సినిమాల కోసం ఎదురు చూస్ ప్రేక్షకులు చాలామంది ఉన్నారు. ఇదిలా ఉంటే ప్రస్తుతం సూర్య సింగం కు రెండో సీక్వెల్ గా వస్తున్న సింగం-3లో నటిస్తూ, ఆ సినిమా పూర్తి చేసేందుకు సన్నాహాలు చేస్తున్నాడు. ఇదిలా ఉంటే…ఈ సినిమా తరువాత సూర్య ఏ సినిమా చేస్తాడు అన్న అనుమానం ఉంది అందరికీ, ఎందుకంటే ‘మదరాసి’ సినిమాతో భారీ హిట్ కొట్టిన దర్శకుడు పా రంజిత్ ను పిలిచి మరీ అవకాశం ఇచ్చాడు తమిళ దేవుడు రజనీకాంత్.
అయితే ఆ సినిమా భారీ అంచనాలతో విడుదలయ్యి డిజాస్టర్ గా మారిపోవడంతో అందరూ ఒక్కసారిగా ఉలిక్కి పడ్డారు. అయితే అదే క్రమంలో ఈ సినిమాలో మొదలైన తరువాత ఈ దర్శకుడితో ఒక సినిమా చేసేందుకు సూర్య గ్రీన్ సిగ్నల్ ఇచ్చాడు. అయితే అప్పడు తాను సినిమా ఒప్పుకున్న పరిస్థితులు వేరు, ఇప్పుడున్న పరిస్థితులు వేరు. కబాలి సినిమా అట్టర్ ఫ్లాప్ కావడంతో పా రంజిత్ తో సినిమాకు సూర్య నో చెప్పేస్తాడు అని అందరూ అనుకున్నారు. కానీ, ఇచ్చిన మాట ప్రకారం సూర్య మాట తప్పకుండా ఈ దర్శకుడితోనే సినిమా చూసేందుకు సిద్దం అవుతున్నాడు. ఇక ఈ సినిమాలో సూర్య బాక్సర్ గా కనిపించనున్నాడని తెలుస్తుంది. ఈ పాత్ర కోసం .. ఏ మాత్రం తీరిక దొరికినా ఆయన బాక్సింగ్ ప్రాక్టీస్ చేస్తున్నాడని టాక్స్ వినిపిస్తున్నాయి. మరి దర్శకుడు పా రంజిత్ ఈ సినిమానైనా మంచి హిట్ గా మలుస్తాడేమొ చూడాలి.
Home
