కోలీవుడ్ స్టార్ హీరో సూర్య తన సినీ కెరీర్ లో ఎన్నో ప్రయోగాలు చేసిన సంగతి తెలిసిందే. సినిమాల ఫలితాలతో సంబంధం లేకుండా సూర్య ప్రయోగాలకే పెద్ద పీట వేస్తున్నారు. అయితే సూర్య తన తర్వాత సినిమాలో కంటికి కనిపించని సూపర్ హీరో పాత్ర చేయబోతున్నారని తెలుస్తోంది. లోకేశ్ కనగరాజ్ ఈ సినిమాకు దర్శకత్వం వహించనుండగా పాన్ ఇండియా మూవీగా ఈ సినిమా తెరకెక్కనుందని తెలుస్తోంది. ఖైదీ, మాస్టర్ సినిమాలతో విజయాలను సొంతం చేసుకున్న లోకేశ్ కనగరాజ్ భారీ బడ్జెట్ సినిమాలతో పాటు విజువల్ ఎఫెక్ట్స్ ఉన్న సినిమాలను ప్లాన్ చేస్తున్నారు.
సినిమాలో సూర్యకు ఒక చెయ్యి మాత్రమే పని చేస్తుందని ప్రయోగం వల్ల సూర్య ఒక చెయ్యిని కోల్పోయిన సూపర్ హీరోగా కనిపిస్తారని సమాచారం. సూర్య సూపర్ హీరోగా చేసే విన్యాసాలు ప్రేక్షకులు ఆశ్చర్యపోయేలా ఉంటాయని తెలుస్తోంది. కోలీవుడ్ ఇండస్ట్రీలో ఈ మూవీకి ఉరుంబు కై మాయావి టైటిల్ ను ఫిక్స్ చేసినట్టు ప్రచారం జరుగుతోంది. త్వరలోనే ఈ ప్రాజెక్ట్ కు సంబంధించిన అధికారిక ప్రకటన వచ్చే అవకాశాలు ఉన్నాయి.
ప్రస్తుతం కమల్ హాసన్ తో విక్రమ్ సినిమాను తెరకెక్కిస్తున్న లోకేష్ కనగరాజ్ ఈ సినిమాను పూర్తి చేసి సూర్యతో సినిమాను పట్టలెక్కించనున్నారు. సూర్య ప్రస్తుతం జై భీమ్ తో పాటు మరికొన్ని ప్రాజెక్టులతో బిజీగా ఉన్నారు. గతేడాది రిలీజైన ఆకాశమే నీ హద్దురా సక్సెస్ తో సూర్య మార్కెట్ కూడా పెరిగింది. సూర్య భిన్నమైన కథలను ఎంచుకుంటూ ప్రేక్షకులను ఆకట్టుకుంటున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home