బాలీవుడ్‌ దర్శకనిర్మాత కరణ్ జోహార్‌ బాగా చిలిపి అంటుంటారు. తన కోటరీలోని హీరోలు, హీరోయిన్లతో ఆయన సరదాలు మామూలుగా ఉండవు. మరీ పర్సనల్‌ విషయాలను కూడా ఎలాంటి బెరుకు లేకుండా అడిగేస్తూ ఉంటాడు. ఆయన తాజాగా తన టాక్‌ షో ‘కాఫీ విత్ కరణ్’ని ఓటీటీకి తీసుకొచ్చాడు. దీంతో మసాలా కొంచెం ఎక్కువైంది. పర్సనల్‌ లైఫ్, సెక్స్ లైఫ్ గురించి మాట్లాడుతూ గెస్ట్‌లను ఇరుకున పెడుతూ ఉన్నాడు. మరోవైపు నెటిజన్ల మాటలూ పడుతున్నాడు.
తాజాగా కాఫీ విత్ కరణ్ షో గురించి, అందులో జరుగుతున్న అంశాల గురించి నటి తాప్సి మాట్లాడింది. దీంతో ఆమె మాటలు వైరల్ అయ్యాయి. మీ సినిమా ‘దోబారా’ విడుదవుతోంది కదా.. మరి మీరు ‘కాఫీ విత్ కరణ్’ షోకు వెళ్లరా.. అని తాప్సిని మీడియా వాళ్లు అడిగారు. దానికి ఆమె ‘‘కాఫీ విత్ కరణ్ షోలో పాల్గొనేలా నా సెక్స్ లైఫ్ అంత గొప్పగా ఏమీ లేదేమో’’ అని బదులిచ్చింది. దీంతో ఆ షోలో కరణ్ అడుగుతున్న ప్రశ్నల విషయం, నెటిజన్ల కౌంటర్లు తాప్సిన చూసిందని అర్థమవుతోంది.
జాన్వి కపూర్ – సారా అలీ ఖాన్, అక్షయ్‌ కుమార్‌ – సమంత, విజయ్ దేవరకొండ – అనన్య పాండే, ఆమిర్‌ ఖాన్ – కరీనా కపూర్, రణ్‌వీర్‌ సింగ్‌ – ఆలియా భట్‌తో జరిగిన ఎపిసోడ్లలో కరణ్ కాస్త శ్రుతి మించి ప్రశ్నలు అడిగారు. గెస్ట్‌ల సెక్స్ లైఫ్, పర్సనల్‌ విషయాలు, బయట చర్చించకూడదు అనుకునే విషయాలను కరణ్ అక్కడ అడిగాడు. దీంతో గెస్ట్‌లు ఏమనుకున్నారో తెలియదు కానీ, నెటిజన్లు మాత్రం తెగ ఆడుకుంటున్నారు. ఇప్పుడు తాప్సి కూడా అదే పని చేసింది.
తనపై వచ్చే సెటైర్లను కూడా చాలా సరదాగా తీసుకునే కరణ్ జోహార్‌.. ఇప్పుడు ఈ పర్సనల్‌ ప్రశ్నల తలనొప్పిని అలానే తీసుకుంటున్నట్లు ఉన్నాడు. అందుకే ఎపిసోడ్‌ ఎపిసోడ్‌కి సెటైర్లు, పంచ్‌లు పెరుగుతున్నా ఆయన మాత్రం అలాంటి ప్రశ్నలు ఆపడం లేదు. వేస్తూనే ఉన్నాడు, మాటలు పడుతూనే ఉన్నాడు. అయినా గెస్ట్‌లకు ఈ ప్రశ్నలు టెలీకాస్ట్‌ అవుతాయని తెలిసినా.. ఎందుకు కరణ్‌ను వారించడం లేదో తెలియడం లేదు.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
