అజయ్ వల్లే తనకి ఇంకా పెళ్లి కాలేదని చెప్పిన టబు

ప్రేమదేశం, నిన్నే పెళ్లాడుతా వంటి చిత్రాలతో మంచి పేరు తెచ్చుకున్న నటి టబు. తన వయసు తారలు పెళ్లి చేసుకొని తల్లులవుతుంటే ఆమె మాత్రం సినిమాల్లో నటిస్తూనే ఉంది. అందుకే ఆమె కనిపించినప్పుడల్లా విలేకరులు “మీ పెళ్లెప్పుడు?” అనే ప్రశ్న వేయడం అలవాటు అయిపోయింది. ఈ ప్రశ్నకు టబు ఈ సారి మాత్రం సరదాగా సమాధానం చెప్పింది. తనకు వివాహం కాకపోవడానికి కారణం బాలీవుడ్ హీరో అజయ్ దేవగణ్ అని టబు చెప్పింది. కాజోల్ ని ప్రేమించి పెళ్లి చేసుకున్న ఈ హీరో టబు పెళ్ళికి ఎలా అడ్డుగా మారాడు ? అని మరో ప్రశ్న రాక మానదు. అందుకు ఆమె అడక్కుండానే సమాధానం చెప్పింది. “దాదాపు 25 సంవత్సరాలుగా అజయ్ దేవగన్ నాకు తెలుసు. తన కజిన్ సమీర్ ఇంటిపక్కనే అజయ్ ఉండేవాడు.

మేమంతా మంచి స్నేహితులుగా ఉండేవాళ్ళం. ఆ సమయంలో అజయ్ తనను ఓకంట కనిపెడుతూ అనుసరించేవాడు” అని టబు ఆనాటి రోజుల్ని గుర్తుకు తెచ్చుకుంది.  ఆ సమయంలో తాను ఎక్కడికి వెళ్లినా అజయ్ ఫాలో అయ్యేవాడని, వేరే అబ్బాయిలు ఎవరైనా తన వైపు చూసినా, మాట్లాడినా… వారిని కొట్టి  వార్నింగ్ ఇచ్చేవాడని అసలు విషయం బయట పెట్టింది. అప్పటి నుంచి అబ్బాయిలు తన వైపు చూసేందుకు భయపడ్డారని, అలా తన పెళ్లి కాకపోవడానికి అజయ్ కారణమని స్పష్టం చేసింది. ప్రస్తుతం  అజయ్ దేవగణ్ హీరోగా చేస్తున్న గోల్ మాల్ ఎగైన్ లో టబు నటించింది.  ఈ సినిమా త్వరలో విడుదలకానుంది.

Also, do SUBSCRIBE to our YouTube channel to get latest Tollywood updates.