అజయ్ దేవగన్‌ వలనే నేను సింగిల్ గా ఉండిపోయాను : టబు

వెంకటేష్ హీరోగా వచ్చిన ‘కూలీ నెంబర్ 1’ చిత్రంతో తెలుగు ప్రేక్షకులకు పరిచయమైంది టబు. తన గ్లామర్ తో…. బాలీవుడ్ తో పాటు టాలీవుడ్ ను కూడా ఓ ఊపు ఊపేసింది. 50 ఏళ్ళ వయసొచ్చినా ఆమె గ్లామర్ ఏమాత్రం తగ్గలేదు. కుర్ర హీరోయిన్లను కూడా డామినేట్ చేసేలా ఇప్పటికీ అదే గ్లామర్ ను మెయింటైన్ చేస్తుంది టబు. అయితే 50ఏళ్ళ వయసొచ్చినా ఈమె ఇంకా పెళ్లి చేసుకోలేదు. ఇందుకు కారణం బాలీవుడ్ స్టార్ హీరో అజయ్ దేవగణ్‌… అంటూ బాంబ్ పేల్చింది టబు.

ఆమె మాట్లాడుతూ.. “అజయ్ దేవగణ్ నాకు.. 13 ఏళ్ళ వయసు నుండే తెలుసు. అతను నా సోదరుడి(సమీర్) చిన్ననాటి స్నేహితుడు. జుహూలో మేమంతా కలిసి పెరిగాం. అప్పట్లో వాళ్ళు ఓ గ్యాంగ్ ను కూడా మెయింటైన్ చేసేవాళ్ళు. మేము వాళ్ళను అప్పుడప్పుడు సరదాగా ఆటపట్టించేవాళ్ళం. నాతో ఏ అబ్బాయి అయినా మాట్లాడడానికి ట్రై చేస్తే.. అజయ్, సమీర్ లు.. వాళ్ళను చితక్కొట్టేవారు. దాంతో ఏ అబ్బాయి నాతో మాట్లాడే వాడు కాదు.

ఇప్పుడు మీకు అర్ధమయ్యిందా నేను ఎందుకు సింగిల్ గా ఉండిపోయానో.? అజయ్ నా సోదరుడితో పాటు నన్ను కూడా చాలా ప్రొటెక్టివ్ గా చూసుకునేవాడు. అందుకే అతనంటే నాకు చాలా అభిమానం ఉంది. నేను పెళ్లి చేసుకోవడానికి ఓ మంచి అబ్బాయి ఉంటే చూడమని అతనికి ఎన్నో సార్లు చెప్పాను. కానీ సరదాగా నవ్వుకునే వాడు. నాకు ఏది అంత ఈజీగా నచ్చదని అతనికి తెలుసు” అంటూ చెప్పుకొచ్చింది టబు.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?