యంగ్ రెబల్ స్టార్ ప్రభాస్ తో తమన్నా… ఇప్పటికే రెండు సినిమాల్లో నటించింది. రాఘవ లారెన్స్ డైరెక్షన్లో వచ్చిన ‘రెబల్’ ఒకటి కాగా… మరొకటి రాజమౌళి డైరెక్షన్లో వచ్చిన ‘బాహుబలి'(సిరీస్) కావడం విశేషం. ‘బాహుబలి’ రెండు పార్ట్ లలోనూ తమన్నా నటించింది. ఇప్పుడు లాక్ డౌన్ కారణంగా అందరూ ఇళ్ళలోనే ఉంటున్న నేపధ్యంలో ఓ వీడియో కాల్ ఇంటర్వ్యూ లో తమన్నా పాల్గొంది. ఈ ఇంటర్వ్యూ లో ప్రభాస్ తో రెండు సినిమాలకి పనిచేసారు కదా…
అతనితో వర్క్ ఎక్స్ పీరియన్స్ ఎలా అనిపించింది అని ప్రశ్నించగా… ‘రెబల్’ సినిమా టైములో ప్రభాస్ తో ఎక్కువగా మాట్లాడే అవకాశం దక్కలేదు. అయితే ‘బాహుబలి’ సినిమా టైములో మాత్రం ఫ్రెండ్స్ అయిపోయాం. ‘బాహుబలి’ అందరికీ ఓ ఎమోషనల్ జర్నీ. అందరం కలిసి ఉండటం వల్ల ఫ్యామిలీతో ఉన్న ఫీలింగ్ ఉండేది. ఆ టైములో ప్రభాస్ కూడా ఈ సినిమా కోసం ఎక్కువ టైం కేటాయించాడు.కాబట్టి ప్రభాస్ తో ఎక్కువ మాట్లాడే అవకాశం దక్కింది… అంటూ చెప్పుకొచ్చింది.
ఇక తమన్నా ప్రస్తుతం గోపీచంద్ హీరోగా వస్తున్న ‘సీటీమార్’ లో నటిస్తుంది. సంపత్ నంది డైరెక్షన్లో తెరకెక్కుతోన్న ఈ చిత్రంలో తమన్నా ఫిమేల్ కబడ్డీ జట్టుకి కోచ్ గా నటిస్తుంది. గతంలో తమన్నా… సంపత్ నంది డైరెక్షన్లో వచ్చిన ‘రచ్చ’ ‘బెంగాల్ టైగర్’ చిత్రాల్లో కూడా హీరోయిన్ గా నటించింది.
Most Recommended Video
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!
