ఈ ఏడాది ‘సరిలేరు నీకెవ్వరు’ సినిమాలోని ఓ స్పెషల్ సాంగ్ తో ప్రేక్షకులను పలకరించింది తమన్నా. ఇండస్ట్రీకి వచ్చి 15 ఏళ్ళు కావస్తున్నా.. ఇంకా స్టార్ హీరోయిన్ గా కొనసాగుతూనే ఉంది తమన్నా. కొత్త హీరోయిన్ల నుండీ తీవ్ర పోటీ ఎదురవుతున్నప్పటికీ.. ఇప్పటికీ ఎంతో తెలివిగా అవకాశాలు దక్కించుకుంటుంది మన మిల్కీ బ్యూటీ. గతేడాది వెంకటేష్ తో ‘ఎఫ్2’, చిరంజీవి తో ‘సైరా నరసింహరెడ్డి’ చిత్రంలో హీరోయిన్ గా నటించింది.
సీనియర్ హీరోల సినిమాల్లో నటించినందుకు భారీగా పారితోషికం అందుకుందని తెలుస్తుంది. ఇప్పుడు ఓటిటిలకు ఉన్న డిమాండ్ ను కూడా క్యాష్ చేసుకోవడానికి తమన్నా రెడీ అయ్యింది. స్టార్ ప్రొడ్యూసర్ అల్లు అరవింద్ గారి ‘ఆహా’ డిజిటల్ ప్లాట్ ఫామ్ కోసం.. ఓ టాక్ షోని హోస్ట్ చెయ్యడానికి తమన్నా అంగీకరించిందని వార్తలు వస్తున్న సంగతి తెలిసిందే. ఈ టాక్ షోలో తమన్నా… రాంచరణ్, రవితేజ, అల్లు అర్జున్ వంటి స్టార్ హీరోలను ఇంటర్వ్యూ చేయబోతుందట.
ఇందుకు గాను ఒక్కో ఎపిసోడ్ కు 7 లక్షల రూపాయల వరకూ రెమ్యూనరేషన్ తీసుకోబోతుందని సమాచారం. మొత్తంగా ఈ టాక్ షోలో 20 ఎపిసోడ్లు ఉంటాయని తెలుస్తుంది. అయితే ఆ 20 షోలకు కలిపి కోటిన్నర పైనే తమన్నా అందుకోనున్నట్టు సమాచారం. ఇప్పుడు ఒక్కో సినిమాకి తమన్నా తీసుకుంటున్న పారితోషికం కంటే.. ఈ షో ద్వారా ఎక్కువే అందుకోబోతుందని తెలుస్తుంది. ఏమైనా తమన్నా కూడా ఓటిటి సంస్థలను ఉపయోగించుకుని ఎలా క్యాష్ చేసుకోవచ్చో కనిపెట్టేసినట్టుంది.
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
Home