Janhvi Kapoor: శ్రీదేవి కూతురు తమిళ సినిమా కోసం భారీ ప్లాన్‌ సిద్ధం?

‘విక్రమ్‌’ సినిమా తర్వాత కమల్‌ హాసన్‌ ఆలోచనలు బాగా మారిపోయాయి. నటుడిగా, నిర్మాతగా మాంచి జోరు మీదున్నాడు. అప్పటివరకు రాజ్ కమల్ ఫిల్మ్స్ ఇంటర్నేషనల్ మీద ఉన్న అప్పులన్నీ ‘విక్రమ్‌’ లాభాలతో తీరిపోయాయి. దీంతో కొత్త సినిమాలు అనౌన్స్‌ చేసి, ఓపెనింగ్‌లు కూడా చేసేస్తున్నారు. ఈ క్రమంలో ఆయన ఓ స్టార్‌ కిడ్‌ను ఇండస్ట్రీకి పరిచయం చేయాలని చూస్తున్నారట. ఆమెనే జాన్వీ కపూర్‌. శ్రీదేవి గారాలపట్టి కోలీవుడ్‌ ఎంట్రీ చాలా రోజుల నుండి వినిపిస్తోంది. అయితే ఇంతవరకు అవ్వడం లేదు. ఇప్పుడు అది కమల్‌ చేతుల మీదుగా అంటున్నారు.

రాజ్ కమల్ ఫిల్మ్స్ ఇంటర్నేషనల్ బ్యానర్‌లో ప్రస్తుతం శివ కార్తికేయన్, సాయి పల్లవి సినిమా ఒకటి తెరకెక్కుతోంది. త్వరలో విఘ్నేష్ శివన్ దర్శకత్వంలో ఓ సినిమా ఉంటుందని టాక్‌. ఈ ప్రాజెక్ట్ ద్వారా జాన్వీ కపూర్‌ను కోలీవుడ్‌కు పరిచయం చేసే ప్రయత్నాలు సాగుతున్నాయని చెబుతున్నారు. ఈ మేరకు సంతకాలు కూడా అయిపోయాయి అని చెబుతున్నారు. దీంతో జాన్వి రెండో సౌత్‌ సినిమా ఇదే అవుతుంది అని సమాచారం.

‘లవ్ టుడే’ సినిమా ఫేమ్ ప్రదీప్ రంగనాథన్ హీరోగా విఘ్నేశ్ దర్శకత్వంలో ఓ సినిమా రూపొందనుందని సమాచారం. కమల్ హాసన్ ఈ సినిమాను నిర్మిస్తారు. ఈ ప్రాజెక్ట్ కోసం జాన్వీ కపూర్‌ను దాదాపు తీసుకుంటున్నారట. కమల్‌ మీద అభిమానం, నమ్మకంతో బోనీ కపూర్‌ కూడా ఈ ప్రాజెక్ట్‌కి ఓకే చెప్పారట. ఇది హీరోయిన్‌ ప్రాధాన్య సినిమా అని సమాచారం. దీంతో (Janhvi Kapoor) జాన్వి కూడా ఈ సినిమా మీద ఆసక్తి చూపించింది అంటున్నారు.

శ్రీదేవి – కమల్ హాసన్ ఎన్నో సినిమాల్లో కలిసి నటించారు. వెండితెరపై మ్యాజిక్ క్రియేట్ చేసిన జంట ఇది. ఇప్పుడు కమల్‌ – జాన్వి కాంబో కూడా మంచి విజయం అందుకుని, మరిన్ని సినిమాలు చేయాలని అభిమానులు ఆశిస్తున్నారు. ఇక జాన్వి తర్వాతి సినిమా రామ్‌చరణ్‌తో ఉండొచ్చు అనే టాక్‌ కూడా నడుస్తోంది.

రంగబలి సినిమా రివ్యూ & రేటింగ్!

రుద్రంగి సినిమా రివ్యూ & రేటింగ్!
18 స్టార్ హీరోయిన్ల చిన్ననాటి రేర్‌ ఫోటోలు వైరల్!