మెగా అభిమానులను ఖుషీ చేసిన తనికెళ్ళ భరణి..!

మెగా అభిమానూలు ఎప్పుడెప్పుడా అని ఎదురుచూస్తున్న చిత్రం ‘సైరా నరసింహ రెడ్డి’. మెగాస్టార్ 151 వ చిత్రంగా తెరకెక్కుతున్న ఈ చిత్రం టీజర్ ఇప్పటికే విడుదలయ్యి సినిమా పై అంచనాలను అమాంతం పెంచేసింది. సుమారు 300 కోట్ల భారీ బడ్జెట్ తో ఈ చిత్రాన్ని మెగాపవర్ స్టార్ రాంచరణ్ నిర్మిస్తున్నాడు. ఇక ఈ చిత్రానికి సంబంధించిన అప్డేట్స్ పెద్దగా ఏమీ బయటకి రావడం లేదు. అయితే మొదటిసారి నటుడు తనికెళ్ళ భరణి.. ‘సైరా’ చిత్రం గురించి ఆసక్తికరమైన విషయాల్ని తెలిపాడు.

• కైలాసపురం వెబ్ సిరీస్ రివ్యూ కోసం ఇక్కడ క్లిక్ చెయ్యండి
• హిప్పీ సినిమా రివ్యూ కోసం ఇక్కడ క్లిక్ చెయ్యండి

ఇటీవల తిరుమలలో శ్రీవారిని దర్శించుకోవడానికి వెళ్ళిన.. ఆయన దర్శనం అనంతరం మీడియా తో మాట్లాడారు. తనికెళ్ళ భరణి మాట్లాడుతూ.. ” ‘సైరా’ చిత్రం తెలుగు వాళ్ళందరూ గర్వపడేలా ఉంటుంది.. తెలుగు ఖ్యాతిని పెంచేలా ఉంటుంది. మెగా అభిమానుల అంచనాలకు ఏ మాత్రం తీసిపోకుండా సినిమా సిద్ధమవుతోంది. ‘కష్టే ఫలి’.. కష్టానికి తగ్గ ఫలితం దక్కుతుంది కాబట్టి సినిమా ఆలస్యమవుతున్నందుకు చింతించవద్దు. ‘సైరా’ సినిమా సరికొత్త రికార్డులు సృష్టించడం ఖాయం. ఈ చిత్రంలో నా పాత్ర సినిమాలో అద్భుతంగా ఉంటుంది. అలాగే నేను దర్శకత్వం వహించబోయే చిత్రం కూడా ఆగష్టులో మొదలవుతుంది” అంటూ తెలిపారు.