మహేష్ 26 వ సినిమాని డైరక్ట్ చేయనున్న సుకుమార్

కొరటాల శివ దర్శకత్వంలో సూపర్ స్టార్ మహేష్ బాబు చేస్తున్న భరత్ అనే నేను సినిమా ఈనెల 20 న రిలీజ్ కానుంది. ఈ మూవీతో పాటు మహేష్ 25 వ సినిమా కోసం కూడా పనులు దాదాపు పూర్తి అయ్యాయి. వంశీ పైడి పల్లి దర్శకత్వం వహించనున్న ఈ మూవీ అమెరికాలో వచ్చే నెల మొదలుకానుంది. దీని తర్వాత సినిమాకి కూడా మహేష్ గ్రీన్ సిగ్నల్ ఇచ్చినట్లు సమాచారం. తనతో వన్(నేనొక్కడినే ) అనే సినిమాని తెరకెక్కించిన సుకుమార్ కి మళ్లీ అవకాశం ఇచ్చినట్లు తెలిసింది. వన్ సినిమా ఆర్ధికంగా విజయం సాధించకపోయినప్పటికీ స్క్రీన్ ప్లే విషయంలో అందరి మెప్పు అందుకుంది. ఓవర్సీస్ లో మంచి కలక్షన్స్ రాబట్టింది.

పైగా సుకుమార్ తాజా చిత్రం రంగస్థలం ఇండస్ట్రీ హిట్ సాధించింది. దీంతో మహేష్ అతని దర్శకత్వంలో మరో మారు చేయడానికి ఒకే చెప్పారు. రీసెంట్ గా సుకుమార్ మహేష్ కి ఒక లైన్ చెప్పగా .. అది నచ్చడంతో స్క్రిప్ట్ గా చేసి తీసుకురమ్మని మహేష్ చెప్పినట్లు ఫిలిం నగర్ వాసులు తెలిపారు. సుకుమార్ నెక్స్ట్ కూడా మైత్రీ మూవీ మేకర్స్ పతాకంపై సినిమా చేస్తానని మాట ఇచ్చారు. అందుకే వారు మహేష్ 26 వ సినిమాని నిర్మించనున్నారు. సుకుమార్ స్క్రిప్ట్ తొందరగా రెడీ చేస్తే.. వంశీ పైడి పల్లి మూవీ కంప్లీట్ కాకముందే.. నెక్స్ట్ సినిమాని మొదలుపెట్టాలని మహేష్ భావిస్తున్నట్టు తెలిసింది.