యంగ్ టైగర్ కెరీర్ పీక్స్ లో ఉన్నప్పుడు ‘ఆంధ్రావాలా’ అనే డిజాస్టర్ చిత్రమిచ్చి ఎన్టీఆర్ ను చాలా దెబ్బ తీసాడు పూరి జగ్గన్నాధ్. 2004 లో వచ్చిన ఈ చిత్రం చాలా పెద్ద డిజాస్టర్ అయ్యింది. దీంతో ఎప్పటికైనా ఎన్టీఆర్ కు ఓ హిట్ ఇవ్వాలని పరితపించి 11 ఏళ్ళ తరువాత ‘టెంపర్’ తో హిట్టిచ్చాడు. ఈ చిత్రం ఎన్టీఆర్ కెరీర్ కు చాలా ప్లస్ అయ్యింది. ఈ చిత్రం తర్వాత ఫ్లాప్ అనేది లేకుండా ఎన్టీఆర్ దూసుకు పోతున్నాడు. ఈ చిత్రంలో ఎన్టీఆర్ ను సరికొత్తగా ప్రజెంట్ చేసి ఘన విజయాన్ని అందుకున్నాడు. ఈ చిత్రం తమిళ, హిందీ భాషల్లోనూ రీమేక్ అయ్యింది. అయితే ఈ చిత్రం కాపీ అంటూ ఆరోపణలు చేశాడు ఓ డైరెక్టర్.
‘టెంపర్’ తమిళ రీమేక్లో విలన్గా నటించిన పార్తీబన్, టెంపర్ తన సినిమాకు కాపీ అంటూ సంచలన ఆరోపణలు చేశాడు. 1993లో పార్తీబన్ తెరకెక్కించిన ‘ఉల్లే వెలియే’ చిత్రం ఆధారంగానే ‘టెంపర్’ చిత్రాన్ని తెరకెక్కించారని ఆరోపించాడు. అయితే ప్రస్తుతం తాను ఈ చిత్రం కాపీ విషయంలో ఎటువంటి చర్యలు తీసుకోవటం లేదన్నాడు పార్తీబన్. పూరి దర్శకత్వం వహించిన ‘టెంపర్’ చిత్రానికి వక్కంతం వంశీ కథ అందించాడు. మరి ఈ కాపీ ఆరోపణల పై పూరి జగన్నాథ్, వక్కంతం వంశీ ఎలా రియాక్ట్ అవుతారో చూడాలి.!
