హీరోల స్పెషల్‌ డేస్‌ సందర్భంగా పాత సినిమాలను రీరిలీజ్ చేస్తున్నారు. వాటికి ప్రేక్షకులు, అభిమానుల నుండి మంచి ఆదరణ కూడా దక్కుతుంది. ఈ క్రమంలో హిట్ సినిమాలు, బ్లాక్‌బస్టర్‌ సినిమాలే కాదు.. డిజాస్టర్‌ సినిమాలు కూడా తీసుకొచ్చే ప్రయత్నం చేస్తున్నారు. వాటికి కూడా విజయం దక్కుతోంది. ఈ క్రమంలో ప్రముఖ దర్శకుడు సుకుమార్ భార్య తబిత ఓ ఆలోచన చేశారు. దాని ప్రకారం ఆమె రెండు ఫ్లాప్‌ సినిమాలను రిలీజ్ చేయమంటున్నారు.
సుకుమార్ దర్శకత్వంలో రూపొందిన రెండు సినిమాలను రిలీజ్ చేయాలి అనేది తబిత ఆలోచన. సుకుమార్ తెరకెక్కించిన ‘జగడం’, ‘1 నేనొక్కడినే’ సినిమాలను రీరిలీజ్ చేయమని సుకుమార్‌కు ఆమె ఇప్పటికే చెప్పారట. ఆ సినిమాలు రిలీజ్ అయినప్పుడు వాటికి జనం కనెక్ట్ కాలేదో తెలుసుకోవాలని ఆమె అనుకుంటున్నారట. అలాగే ఇప్పుడు ఆ సినిమాల విషయంలో ప్రేక్షకుల ఆలోచన ఏమన్నా మారిందా లేక అలాగే ఉందా అనేది కూడా చూడాలని ఉంది అని ఆమె అన్నారు.
రామ్‌ హీరోగా సుకుమార్ ‘జగడం’ అనే సినిమా చేశారు. ఆ సినిమాలో కాలేజీ ఏజ్‌ యువత ఎలా ఉంటారు, వైలెన్స్‌ యువత జీవితాన్ని ఎలాంటి మార్పు తీసుకొస్తుంది అనే విషయాల్ని తనదైన శైలిలో టిపికల్‌గా చర్చించారు సుకుమార్. సినిమాను పార్ట్‌ పార్ట్‌గా చూస్తే బాగుంటుంది తప్ప.. పూర్తిగా చూడానికి ఏదో ఇబ్బందిగా ఉంటుంది. మరిప్పుడు రిలీజ్ చేస్తే రామ్‌ ఫ్యాన్స్‌ ఎంతవరకు ఆదరిస్తారు అనేది చూడాలి. ఇక మహేష్‌బాబు సినిమాల్లో దారుణమైన ఫలితాలు ఇచ్చిన సినిమాల్లో ‘1 నేనొక్కడినే’ ఒకటి.
ఈ సినిమాతో సుకుమార్ – మహేష్ మధ్య దూరం కూడా పెరిగింది అంటారు. అయితే మహేష్ నటనలో కొత్తదనం ఆ సినిమాలో కనిపిస్తుంది. ఇంటెన్సిటీ, లుక్‌, కథనం విషయంలో సినిమా చాలా బాగుంటుంది అని చెప్పాలి. ఈ సినిమా మళ్లీ వస్తే బాగుండు అని చాలామంది ఫ్యాన్స్‌ అనుకుంటూ ఉంటారు. రామ్‌చరణ్‌ డిజాస్టర్‌ సినిమా ‘ఆరెంజ్‌’ రీరిలీజ్‌లో విజయం సాధించిన నేపథ్యంలో ఇవి కూడా విజయం సాధిస్తాయేమో చూడాలి.
శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!
బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!
Home
