సంగీత దర్శకుడు థమన్ మళ్ళీ స్పీడ్ పెంచాడు. కెరీర్ మొదలైనప్పటి నుంచి కూడా గ్యాప్ లేకుండా మ్యూజిక్ వాయిస్తున్న థమన్ కొంత కూడా రెస్ట్ తీసుకోవడం లేదు. అలాగని ఏ సినిమా పడితే ఆ సినిమా చేయడం లేదు. గతంలో మాదిరిగా రోటీన్ గా కాకుండా సినిమా సినిమాకు వెరీయేషన్ ఉండేలా చూసుకుంటున్నాడు. లవ్ స్టొరీ, కమర్షియల్, థ్రిల్లర్, మెస్సేజ్ ఓరియెంటెడ్.. ఇలా డిఫరెంట్ గా సెలెక్ట్ చేసుకుంటున్నాడు. ప్రస్తుతం టాలీవుడ్ లో అత్యదిక రెమ్యునరేషన్ అందుకుంటున్న సంగీత దర్శకుల్లో దేవి శ్రీ ప్రసాద్ ముందున్నాడు.
ఉప్పెన హిట్టవ్వడంతో మూడు కోట్ల వరకు డిమాండ్ చేస్తున్నట్లు సమాచారం. ఇక థమన్ కూడా ఈ ఏడాది క్రాక్, వకీల్ సాబ్ హిట్స్ తో డోస్ పెంచినట్లు టాక్ వస్తోంది. అల.. వైకుంఠపురములో హిట్టవ్వడంతో కోటిన్నర వరకు వచ్చిన థమన్ ఇప్పుడు ఆ లెక్కను రెండు కోట్లకు దాటించినట్లు సమాచారం. ఇక ప్రస్తుతం థమన్ చేతుల్లో బలమైన సినిమాలే ఉన్నాయి. మహేష్ బాబు సర్కారు వారి పాటతో పాటు త్రివిక్రమ్ సినిమా కూడా చేస్తున్నాడు.
నెక్స్ట్ పవన్ కళ్యాణ్ – రానా మూవీతో పాటు అఖిల్ ఏజెంట్ సినిమా చేస్తున్నాడు. ఇక నాని టక్ జగదీష్, బాలకృష్ణ అఖండ విడుదలకు సిద్దంగా ఉన్న విషయం తెలిసిందే. భవిష్యత్తులో మరిన్ని బిగ్ కాంబినేషన్స్ కు కూడా థమన్ మ్యూజిక్ అందించబోతున్నాడు. చూస్తుంటే త్వరలోనే రెమ్యునరేషన్ విషయంలో దేవి రికార్డును కూడా బ్రేక్ చేసేలా ఉన్నాడని అనిపిస్తోంది.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home