Thaman: ఆ పని చేసే ముందు నీ భార్యకి చెప్పు.. తమన్ కౌంటర్!

May 10, 2021 / 04:19 PM ISTByFilmy Focus

Join Us

Thaman: ఆ పని చేసే ముందు నీ భార్యకి చెప్పు.. తమన్ కౌంటర్!

టాలీవుడ్ లో సెన్సేషనల్ మ్యూజిక్ డైరెక్టర్ గా మారాడు తమన్. వరుస హిట్ ఆల్బమ్స్ తో దూసుకుపోతున్నాడు. ప్రస్తుతం సెట్స్ పై ఉన్న చాలా సినిమాలకు తమన్ మ్యూజిక్ అందిస్తున్నాడు. మరోపక్క తమన్ పై కాపీ క్యాట్ అనే విమర్శలు కొనసాగుతూనే ఉన్నాయి. కానీ తమన్ ఎప్పుడూ కూడా పెద్దగా రియాక్ట్ అవ్వలేదు. తన విమర్శకులు, ట్రోలర్స్ విషయంలో తమన్ చాలా కూల్ గా స్పందిస్తుంటాడు. దీంతో అతడిపై ట్రోలింగ్ మరింత ఎక్కువైంది.

నిజానికి తమన్ ఎంత కష్టపడినా కూడా కొన్నిసార్లు ఊహించని విధంగా విమర్శల పాలవుతుంటాడు. ఆయన ఇంటర్నేషనల్ పాటలను కాపీ కొట్టేస్తున్నారనే ట్రోల్స్ వస్తుంటాయి. ఈ క్రమంలో తాజాగా ఓ నెటిజన్ మీమ్ క్రియేట్ చేసి నేరుగా తమన్ ని ట్యాగ్ చేయడంతో అతడు వెంటనే రియాక్ట్ అయ్యాడు. ‘కింగ్’ సినిమాలో బ్రహ్మానందం చేసిన కాపీ మ్యూజిక్ డైరెక్టర్ కు సంబంధించిన కొన్ని స్టిల్స్ ను తీసుకొచ్చి.. రేప్పొద్దున్న తన పిల్లలకు ఇతనే తమన్ అని చూపిస్తా అంటూ నెటిజన్ ట్వీట్ చేశాడు.

Thaman having 14 years old child1

ఇది చూసిన తమన్.. ”అలానే దయచేసి నీ భార్యకు ఇలా మీమ్స్ చేసుకుంటూ బిజీగా ఉన్నానని కూడా చెప్పు. తానొక పనికిమాలిన మీమర్ ను పెళ్లి చేసుకున్నానని గర్వపడుతుంది” అంటూ ఘాటు కౌంటర్ ఇచ్చాడు. తమన్ రెస్పాన్స్ పై నెటిజన్లు భిన్నంగా స్పందిస్తున్నారు. తమన్ అన్నా.. హర్ట్ అయ్యావా..? అంటూ కొందరు కామెంట్స్ చేస్తున్నారు. ప్రస్తుతం ఈ ట్వీట్ వైరల్ అవుతోంది!