‘దేఖో దేఖో గబ్బర్ సింగ్…’, ‘కెవ్వు కేక..’, ‘ఆకాశం అమ్మాయి అయితే…’… ఈ పాటలు ఎంత సందడి చేశాయో ప్రత్యేకంగా చెప్పక్కర్లేదు. ఇవి సుమారు తొమ్మిదేళ్ల క్రితం వచ్చిన ‘గబ్బర్ సింగ్’ సినిమాలోని పాటలు అని మీకు ప్రత్యేకంగా చెప్పాల్సిన అవసరం లేదనుకుంటా. అయితే అప్పుడు అన్నీ అనుకున్నట్లు జరిగి ఉంటే… ఈ పాటలు మనం వినుండ, చూసుండలేకోపోయేవాళ్లం తెలుసా? నిజం… ఈ విషయాన్ని ఇటీవల తమన్‌ చెప్పుకొచ్చాడు. ఆ సినిమా మ్యూజిక్‌ డైరక్టర్‌ దేవిశ్రీప్రసాద్‌ కదా… తమన్‌ చెప్పడం ఏంటి అనుకుంటున్నారా. తమన్‌ చెప్పింది వేరే లెండి. అది జరిగి ఉంటే… ఈ పాటలు వచ్చేవి కావు.
‘గబ్బర్ సింగ్’ సినిమాకు తొలుత తమన్‌ను అనుకున్నారట. ఆయనను సంప్రదించారట కూడా. అయితే ఆ సమయంలో తమన్‌ వివిధ కారణాల వల్ల ఆ సినిమాను వదులుకున్నాడట. ‘మిరపకాయ్‌’ సినిమా చేస్తున్నప్పుడు తమన్‌ను ‘గబ్బర్‌సింగ్‌’ గురించి అడిగారట. ఈ విషయాన్ని తమన్‌ ఇటీవల చెప్పుకొచ్చాడు. ఒకవేళ ఆ రోజు తమన్‌ ‘గబ్బర్‌సింగ్‌’కి ఓకే చెప్పుంటే… దేవిశ్రీప్రసాద్‌ ఇచ్చిన బెస్ట్‌ ఆల్బమ్‌ను మిస్ అయ్యేవాళ్లం. అయితే తమన్‌ ఇంకెంత మంచి మ్యూజిక్‌ ఇచ్చేవాడో అనేది వేరే విషయం.
అప్పుడు ‘గబ్బర్ సింగ్’ అవకాశం కోల్పోయాక తమన్‌కు మళ్లీ ఆ అవకాశం రావడానికి ఎనిమిదేళ్లు పట్టింది. దానికి తగ్గట్టే తమన్‌ వావ్‌ మ్యూజిక్‌ ఇచ్చాడు. ఇప్పటికే విడుదలైన పాటలు యువతను ఆకట్టుకుంటున్నాయి. టీజర్‌లో నేపథ్య సంగీతంతో మరోసారి తన సత్తా చాటాడు తమన్‌. ఇక సినిమా ఫలితం ఎలా ఉంటుందనేది త్వరలో తెలుస్తుంది. ప్రస్తుతం మ్యూజిక్‌ యాత్ర నిర్వహిస్తోంది టీమ్‌. అక్కడ కూడా మంచి స్పందనే వస్తోంది.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
