‘ఖలేజా’ తర్వాత మహేష్ నటించిన ‘దూకుడు’ సినిమా ఘన విజయాన్ని సాధించిన సంగతి తెలిసిందే. 2011 సెప్టెంబర్ 23 న రిలీజ్ అయిన ఈ సినిమా ఆ ఏడాదికి బిగ్గెస్ట్ హిట్ గా నిలవడమే కాకుండా.. మహేష్ బాబు కెరీర్లో కూడా బిగ్గెస్ట్ హిట్ గా నిలిచింది. శ్రీను వైట్ల ఈ చిత్రానికి దర్శకుడు. అప్పటివరకు శ్రీను వైట్ల సినిమాలకి ఎక్కువగా దేవి శ్రీ ప్రసాద్ సంగీతం అందించే వాడు.
కానీ ‘దూకుడు’ విషయంలో ఛేంజోవర్ కోరుకుని (Thaman) తమన్ ను సంగీత దర్శకుడిగా పెట్టుకున్నాడు. తమన్ ఓ స్టార్ హీరోతో పనిచేయడం ‘దూకుడు’ తోనే జరిగింది. ఆ సినిమాకు తమన్ చాలా మంచి మ్యూజిక్ ఇచ్చాడు. మాస్ ఆడియన్స్ కి కనెక్ట్ అయ్యేలా బ్యాక్ గ్రౌండ్ స్కోర్ కూడా ఇచ్చాడు. అందుకే మహేష్ ఏరి కోరి ‘బిజినెస్ మెన్’ కి కూడా తమన్ నే మ్యూజిక్ డైరెక్టర్ గా పెట్టుకున్నాడు.
ఇదిలా ఉండగా.. ‘దూకుడు’ తమన్ కంపోజ్ చేసినవన్నీ హిట్ సాంగ్స్ గా నిలిచాయి. అయితే ‘దేత్తడి.. దేత్తడి’ అనే పాటకు ఫ్యాన్స్ ఎక్కువ మంది ఉన్నారని చెప్పాలి. ఈ పాట గురించి ఓ ఇంట్రెస్టింగ్ సీక్రెట్ ను తాజాగా ‘బ్రో’ ప్రమోషన్స్ లో బయటపెట్టాడు తమన్. అదేంటి అంటే.. వాస్తవానికి ఈ సాంగ్ కి బదులుగా ముందు తమన్ ‘చంపకమాల’ అనే పాట ట్యూన్ ను కంపోజ్ చేసాడట.
కానీ మాస్ బీట్ కావాలని .. అది కూడా ఫాస్ట్ బీట్ అయ్యుండాలి ‘దూకుడు’ టీం కోరడంతో ‘చంపకమాల’ ట్యూన్ ను ‘కందిరీగ’ సినిమా కోసం ఇచ్చాడట. అయితేనేం ఆ రెండు పాటలు సూపర్ హిట్ అయ్యాయి. సినిమాలు కూడా సూపర్ సక్సెస్ అందుకున్నాయి.
ఆ హీరోల బ్యాక్ గ్రౌండ్ తెలిస్తే షాక్ అవుతారు..!
‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!
Home