ప్రస్తుతం టాలీవుడ్ ఇండస్ట్రీలోని టాప్ మ్యూజిక్ డైరెక్టర్లలో ఒకరిగా థమన్ కెరీర్ ను కొనసాగిస్తున్నారు. టాలీవుడ్ స్టార్ హీరోలు, స్టార్ డైరెక్టర్లు థమన్ కు ఛాన్స్ ఇవ్వడానికి ఆసక్తి చూపిస్తుండటం గమనార్హం. థమన్ మ్యూజిక్ అందించిన థాంక్యూ సినిమా మరికొన్ని రోజుల్లో థియేటర్లలో విడుదల కానుంది. థాంక్యూ ప్రీ రిలీజ్ ఈవెంట్ లో థమన్ మాట్లాడుతూ ఆసక్తికర విషయాలను వెల్లడించారు. మ్యూజిక్ డైరెక్టర్ మణిశర్మ లేకపోతే నేను లేనని థమన్ చెప్పుకొచ్చారు.
నా పది సంవత్సరాల ప్రయాణంలో కొన్ని థాంక్యూలు చెప్పుకోవాలని జీవితంలో మనం చాలామందికి రుణపడి ఉంటామని థమన్ తెలిపారు. మనం కెరీర్ లో సక్సెస్ సాధించాలంటే ఆ సక్సెస్ వెనుక ఎంతోమంది ఉంటారని థమన్ చెప్పుకొచ్చారు. ఒంటరిగా ఎవరూ ఏదీ సాధించడం సాధ్యం కాదని థమన్ చెప్పుకొచ్చారు. థాంక్యూ మూవీ చూసిన తర్వాత మణిశర్మ గారికి, కీరవాణి గారికి, రాజ్ కోటి గారికి థ్యాంక్స్ చెప్పుకున్నానని థమన్ వెల్లడించారు.
నాకు పార్టీలకు వెళ్లడం ఇష్టం లేకపోయినా మణిశర్మ గారి పార్టీలకు వెళ్లానని థమన్ అన్నారు. మణిశర్మ వల్లే తాను ఈ స్థాయిలో ఉన్నానని ఆయనను హగ్ చేసుకొని థ్యాంక్స్ చెప్పానని థమన్ తెలిపారు. నేను సాధించిన విజయాల కంటే ఆ పార్టీలో గడిపిన రెండున్నర గంటలు నాకు సంతోషాన్ని కలిగించాయని థమన్ చెప్పుకొచ్చారు. థాంక్యూ సినిమా ప్రేక్షకులకు కదిలిస్తుందని థమన్ చెప్పుకొచ్చారు. మణిశర్మ పుట్టినరోజున రెండున్నర గంటల పాటు డ్రమ్స్ వాయించానని థమన్ తెలిపారు.
గతంలోనే విక్రమ్ కె కుమార్ డైరెక్షన్ లో తెరకెక్కిన మనం సినిమాకు పని చేసే అవకాశం నాకు వచ్చిందని అయితే కొన్ని కారణాల వల్ల ఆ అవకాశాన్ని మిస్ చేసుకున్నానని ఆయన చెప్పుకొచ్చారు. మజిలీ మూవీకి ఏడు రోజుల్లో బ్యాగ్రౌండ్ స్కోర్ ఇచ్చానని థమన్ తెలిపారు. థాంక్యూ సినిమాతో చైతన్యకు సక్సెస్ దక్కుతుందని థమన్ అభిప్రాయపడ్డారు.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
