పవర్ స్టార్ పవన్ కళ్యాణ్ హీరోగా నటించిన ‘తమ్ముడు (1999)’ సినిమా అప్పట్లో ఒక సెన్సేషన్ క్రియేట్ చేసిన విషయం తెలిసిందే. ఇక ఈ సినిమాలో పవన్ సరసన నటించిన అదితి గోవిత్రికర్ (Aditi Govitrikar) అప్పట్లో ప్రేక్షకులను ఆకట్టుకుంది. సెకండ్ హీరోయిన్‌గా ఆమె చేసిన పాత్ర, ఆమె అందం, నటన అప్పట్లో పెద్ద చర్చనీయాంశమైంది. కానీ ‘తమ్ముడు’ తరువాత ఆమె తెలుగు ఇండస్ట్రీకి దూరమైంది.
తెలుగులో ‘తమ్ముడు’ తరువాత పలు సినిమాలు చేసిన అదితి (Aditi Govitrikar), బాలీవుడ్‌లో తన అదృష్టాన్ని పరీక్షించుకోవడానికి వెళ్ళింది. అక్కడ వరుస సినిమాలతో పాటు కొన్ని వెబ్ సిరీస్‌ల్లో కూడా కనిపించింది. అయితే కాలక్రమంలో ఆమెకు అవకాశాలు తగ్గిపోయాయి. సినిమాలకు దూరమైన ఈ నటి ప్రస్తుతం సాధారణ జీవితాన్ని గడుపుతుందని తెలుస్తోంది. ఇటీవల ఆమె తిరుమల తిరుపతి దేవస్థానంలో దర్శనమివ్వడం అభిమానులకు ఆశ్చర్యంగా మారింది.
తిరుమలలో శ్రీవారిని దర్శించుకున్న అనంతరం మీడియాతో మాట్లాడిన అదితి (Aditi Govitrikar), “25 ఏళ్ల తర్వాత తిరుపతిలో ఉండటం చాలా సంతోషంగా ఉంది. తెలుగులో నేను చేసిన ‘తమ్ముడు’ గురించి అందరికీ తెలుసు. తెలుగులో మళ్ళీ సినిమాలు చేయాలని నేను ఆశిస్తున్నాను. ఈ ఆశీర్వాదం కోసం తిరుమల రావడం నాకు ఎంతో ఆనందంగా ఉంది,” అని చెప్పింది. ఆమె మాటలతో పవన్ కళ్యాణ్ అభిమానులు ఆనందానికి లోనయ్యారు.
‘తమ్ముడు’లో ఆమె పాత్రను గుర్తుచేసుకుంటూ, గత జ్ఞాపకాలను పంచుకుంటున్నారు. అదితి (Aditi Govitrikar) ప్రస్తుతం కొత్త అవకాశాల కోసం సిద్ధమవుతుందని ఆమె మాటల ద్వారా స్పష్టమవుతోంది. తిరుమలలో ఆమె వీడియో సోషల్ మీడియాలో వైరల్ అవుతోంది. ఫ్యాన్స్ మళ్ళీ ఆమెను తెరపై చూడాలని కోరుకుంటున్నారు. అప్పట్లో ‘తమ్ముడు’ సినిమాతో అందరినీ అలరించిన ఈ నటి, ఇప్పుడు తెలుగులో మరోసారి తన అదృష్టాన్ని పరీక్షించుకుంటుందేమో చూడాలి.
