అక్కినేని నాగ చైతన్య (Naga Chaitanya) చాలా కాలంగా ఓ హిట్టు కోసం పరితపిస్తున్నాడు. నాగార్జునతో (Nagarjuna) కలిసి చేసిన ‘బంగార్రాజు’ (Bangarraju) తర్వాత.. నాగ చైతన్యకి ఒక్క హిట్టు కూడా లేదు. ‘థాంక్యూ’ (Thank You) ‘కస్టడీ’ (Custody) వంటి సినిమాలు డిజాస్టర్లు అయ్యాయి. ఆమిర్ ఖాన్ (Aamir Khan) తో కలిసి చేసిన ‘లాల్ సింగ్ చడ్డా’ (Laal Singh Chaddha) కూడా డిజాస్టర్ అయ్యింది. ‘దూత’ (Dhootha) వెబ్ సిరీస్ తో పర్వాలేదు అనిపించిన చైతన్య.. తర్వాత తన స్నేహితుడు చందూ మొండేటితో (Chandoo Mondeti) ‘తండేల్’ (Thandel) అనే సినిమా మొదలుపెట్టాడు.
ఈ సినిమాలో చైతన్య తండేల్ రాజు అనే జాలరి పాత్రలో కనిపించబోతున్నాడు. సాయి పల్లవి హీరోయిన్. ‘గీతా ఆర్ట్స్’ సంస్థపై అల్లు అరవింద్ (Allu Aravind) సమర్పణలో బన్నీ వాస్ (Bunny Vasu) ఈ చిత్రాన్ని రూ.90 కోట్ల బడ్జెట్ తో నిర్మించారు. ఫిబ్రవరి 7న ఈ చిత్రం ప్రేక్షకుల ముందుకు రానుంది. జనవరి 28న ట్రైలర్ ను విడుదల చేయబోతున్నారు. ఇదిలా ఉండగా.. ‘తండేల్’ గురించి బన్నీ వాస్ ఒక్క ట్వీట్ వేసి అంచనాలు పెంచేశాడు.
తన ట్విట్టర్ ద్వారా బన్నీ వాస్ స్పందిస్తూ .. ‘ డిస్టింక్షన్లో పాస్ అయ్యింది. అల్లు యూనివర్సిటీకి చెందిన అల్లు అరవింద్ గారు సర్టిఫికెట్ కూడా ఇచ్చేశారు’ అంటూ ఎడిటింగ్ రూమ్లో తీసిన ఒక పిక్ ని జత చేసి పేర్కొన్నాడు. ఇది నాగ చైతన్య అభిమానులను ఖుషి చేయిస్తుంది. ‘కచ్చితంగా ఇది నాగ చైతన్యని వంద కోట్ల సింహాసనంపై కూర్చోబెడుతుంది అంటూ వారు ఆశాభావం వ్యక్తం చేస్తున్నారు.
Passed with distinction
Certified by the dean of Allu University #AlluAravind Garu#Thandel @chay_akkineni @Sai_Pallavi92 @chandoomondeti @ThisIsDSP @GeethaArts pic.twitter.com/LIODpizP9X
— Bunny Vas (@TheBunnyVas) January 26, 2025
Home