బాలకృష్ణ ఒక్కోసారి చూడటానికి కరకుగా కనిపిస్తారు కానీ, మనసు వెన్నలా మృదువుగా ఉంటుంది అంటుంటారు చాలామంది. ఆయనతో పని చేసిన చాలామంది ఇదే మాట చెప్పారు. ఇప్పుడు ఓ బాలీవుడ్‌ నటి తనుశ్రీ దత్తా కూడా ఇదే మాట చెబుతోంది. బాలయ్యతో ఆమె ‘వీరభద్ర’ అనే సినిమాలో నటించిన విషయం తెలిసిందే. ఆ తర్వాత తెలుగులో ఈ అమ్మడు ఎక్కడా కనిపించింది లేదు. ఇటీవల ఓ ఇంటర్వ్యూలో బాలయ్య బాబు గురించి తను శ్రీ మాట్లాడింది. ఇప్పుడు ఆ మాటలు వైరల్‌గా మారాయి.
‘‘మొదటిసారి బాలకృష్ణ సర్‌తో కలిసి ‘వీరభద్ర’లో నటించాను. ఆ సినిమా చిత్రీకరణ తొలి రోజు చాలా కంగారుపడ్డాను. దక్షిణాది కొత్త, ఇక్కడ వాళ్లు ఎలా ఉంటారు అనే ఆలోచనలు మైండ్‌లో తిరిగాయి. కానీ ఆ తర్వాత షూట్‌ బాగా అలవాటైంది. బాలకృష్ణ నాతో ఎంతో సరదాగా ఉండేవారు. చాలా బాగా మాట్లాడేవారు. తెలుగు సినీ పరిశ్రమ గురించి చాలా విషయాలు చెప్పేవారు’’ అంటూ ఆ సినిమా నాటి అనుభవాలు చెప్పుకొచ్చింది తనుశ్రీ. అంతే కాదు ఆ సినిమా కోసం ఐదు కిలోల బరువు పెరిగిందట బాగా సన్నగా ఉన్నావని చిత్రబృందం అనడంతో బాగా తిని లావైందట.
రోజూ చిత్రబృందంలోని ఎవరో ఒకరు తనుశ్రీ కోసం స్వీట్స్‌, ఆంధ్ర భోజనం, రసం, చికెన్‌ కర్రీ లాంటి తీసుకువచ్చి ఇచ్చేవాళ్లట. అందరూ ప్రేమగా తీసుకువచ్చారు, తీసుకోకపోతే బాగుండదు అనుకొని తినేసేదంట. అలా సినిమా పూర్తయ్యేసరికి ఐదు కిలోల బరువు పెరిగాను అంటూ చెప్పుకొచ్చింది తనుశ్రీ దత్తా. టాలీవుడ్‌లో వస్తున్న కథలపై కూడా స్పందించింది. ఇక్కడ మంచి కథా చిత్రాలు వస్తున్నాయని, ఇక్కడి మనుషులు కూడా చాలా మంచివారని చెప్పింది. బాలీవుడ్‌లో విమర్శల వేడి పుట్టించిన ఈ భామ టాలీవుడ్‌ గురించి మంచి మాట్లాడటం ఆనందమే కదా.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home