పవర్ స్టార్ పవన్ కళ్యాణ్, నిత్యామీనన్ జంటగా నటించిన భీమ్లా నాయక్ త్వరలోనే రిలీజ్ కానుంది. ఇప్పటికే ఈ సినిమా నుంచి విడుదలైన పాటలు ప్రేక్షకులను ఆకట్టుకున్నాయి. థమన్ ఈ సినిమా పాటల ద్వారా ప్రశంసలు అందుకున్నారు. అయితే ఇప్పటికే విడుదలైన అంత ఇష్టమేందయ్యా సాంగ్ సినిమాలో మాత్రం ఉండదని తెలుస్తోంది. ప్రస్తుతం ఈ సినిమా ఫైనల్ షూట్ జరుగుతోంది. భీమ్లా నాయక్ నిడివి 2 గంటల 15 నిమిషాలకు అటూఇటుగా ఉంటుందని ఇప్పటికే వార్తలు ప్రచారంలోకి వచ్చాయి.
తెలుగు నేటివిటీకి తగిన విధంగా ఈ సినిమా స్క్రిప్ట్ లో కీలక మార్పులు జరిగాయి. పక్కా మాస్ ఎమోషనల్ మూవీగా భీమ్లా నాయక్ తెరకెక్కగా అయ్యప్పనుమ్ కోషియమ్ సినిమాను చూసిన వాళ్లకు సైతం నచ్చే విధంగా ఈ సినిమాను రూపొందించారని సమాచారం అందుతుండటం గమనార్హం. అంత ఇష్టమేందయ్యా సాంగ్ ను తీసేయడం గురించి కొంతమంది పవన్ అభిమానులు పాజిటివ్ గా కామెంట్లు చేస్తుంటే మరి కొందరు అభిమానులు మాత్రం నిరాశ చెందుతున్నారు.
ప్రస్తుతం భీమ్లా నాయక్ సినిమాకు సంబంధించి ఒక సాంగ్ షూటింగ్ జరుగుతుండగా టైటిల్స్, రోలింగ్ టైటిల్స్ పై ఈ సాంగ్ ఉంటుందని బోగట్టా. భీమ్లా నాయక్ బడ్జెట్ 150 కోట్ల రూపాయలు అని తెలుస్తోంది. మాస్ ఫ్యాన్స్ లో పవన్ ఇమేజ్ మరింత పెరిగే విధంగా ఈ సినిమా ఉండబోతుందని సమాచారం. సితార ఎంటర్టైన్మెంట్స్ బ్యానర్ పై తెరకెక్కిన సినిమాల్లో హైయెస్ట్ బడ్జెట్ మూవీ ఇదే కావడం గమనార్హం.
సినిమాలో పవన్, రానా ఒకే స్క్రీన్ పై కనిపించే సీన్లు ప్రేక్షకులకు గూస్ బంప్స్ వచ్చేలా ఉంటాయని తెలుస్తోంది. హిందీలో కూడా భీమ్లా నాయక్ సినిమా రిలీజ్ కానుండటంతో అభిమానులు సంతోషిస్తున్నారు. ఈ సినిమా సక్సెస్ సాధిస్తే దర్శకుడు సాగర్ కె చంద్ర స్టార్ డైరెక్టర్ల జాబితాలో చేరే ఛాన్స్ అయితే ఉంటుందని చెప్పవచ్చు. టాలెంట్ ఉన్న దర్శకులను పవన్ ప్రోత్సహిస్తూ అవకాశాలు ఇస్తుండటం గమనార్హం.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home